The news is by your side.

جب صدف کنول کو معافی مانگنی پڑی

معروف پاکستانی اداکارہ صدف شاہ کا کہنا ہے کہ انہوں نے ایک موقع پر اداکارہ علیزے شاہ سے معافی مانگی تھی جس کی وجہ ان کا ایک بیان تھا۔

تفصیلات کے مطابق معروف اداکارہ صدف کنول اور ان کے شوہر شہروز سبزواری نے حال ہی میں احسن خان کے شو میں شرکت کی، اس دوران صدف کنول نے احسن خان کے ایک سوال کے جواب میں بتایا کہ انہوں نے علیزے شاہ سے اپنے ایک بیان پر باقاعدہ معافی مانگی تھی۔

صدف نے بتایا کہ وہ ایک شو میں بطور مہمان شریک تھیں، ان سے سوال کیا گیا کہ وہ کون سی اداکارہ ہیں جنہیں وہ اپنے شوہر کے ساتھ اداکاری کرتے نہیں دیکھ سکتیں۔

صدف کے مطابق انہیں مجبوراً کسی ایک اداکارہ کا نام لینا پڑا اور انہوں نے کہہ دیا کہ وہ اپنے شوہر کو کبھی علیزے شاہ کے ساتھ کام کرنے کی اجازت نہیں دیں گی۔

انہوں نے کہا کہ ان کا کسی کو تکلیف پہنچانے یا دل توڑنے کا ارادہ نہیں تھا، انہیں مجبوراً ایسا کرنا پڑا تھا جس کے لیے انہوں نے بعد میں علیزے شاہ کو باقاعدہ فون کال کر کے معافی بھی مانگی تھی۔

صدف نے بتایا کہ اب ان کے اور علیزے شاہ کے درمیان تعلقات بہتر ہیں، ان کے اور علیزے شاہ میں اب کوئی ناراضی یا چپقلش نہیں ہے۔

Comments

یہ بھی پڑھیں