site
stats
پاکستان

کراچی : ڈکیتی میں مزاحمت پردکاندارجاں بحق، دو ڈاکو بھی ہلاک

mobile

کراچی : شہر کی سب سے بڑی موبائل مارکیٹ میں ڈکیتی میں مزاحمت پر دکاندار کی جان چلی گئی، ایک ڈاکو شہریوں کے تشدد اوردوسرا پولیس مقابلے میں مارا گیا، ہلاک ڈاکوؤں کی شناخت ہو گئی، واقعے کیخلاف موبائل مارکیٹس آج احتجاجاً بند رہیں گی۔

تفصیلات کے مطابق کراچی کی موبائل مارکیٹ میں ڈکیتی کی کوشش کے دوران مزاحمت پر ڈاکوؤں نے فائرنگ کردی جس سے دکاندار اویس موقع پر جاں بحق ہو گیا۔

شور شرابا مچنے پر شہریوں نے ایک ڈاکو کو قابو میں کرلیا اور تشدد کا نشانہ بنانے کے بعد نیم مردہ حالت میں پولیس کے حوالے کیا جو بعد زاں اسپتال پہنچنے سے قبل دم توڑ گیا۔

اس موقع پر دکانداروں نے دوسرے ڈاکو کو بھی بھاگنے کا موقع نہیں دیا اور مارکیٹ کے دروازے بند کر دیئے، اطلاع ملنے پر پولیس جائے وقوعہ پر پہنچی تو ڈاکو نے گرفتاری سے بچنے کیلئے فائرنگ کر دی۔

پولیس کی جوابی فائرنگ میں وہ بھی مارا گیا، مقابلے کے دوران گولی لگنے سے ایک راہ گیر زخمی بھی ہوا ہے۔

موبائل مارکیٹ میں ہلاک ہونے والے ملزمان کی شناخت بختورشاہ اوراویس محمود کےنام سے ہوئی ہے، دونوں ملزمان کا تعلق سوات سے تھا۔ ہلاک ہونے والے ڈاکوؤں سے اسلحہ دو موبائل فون اور بٹوہ برآمد ہوا ہے۔

علاوہ ازیں دوران ڈکیتی تاجر کے قتل کی واردات کیخلاف الیکٹرانکس مارکیٹ ڈیلرز ایسوسی ایشن نے سوگ کا اعلان کرتے ہوئے آج بروز پیر شہر بھر کی موبائل مارکیٹیں بند رکھنے کا بھی اعلان کیا ہے۔


اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر ضرور شیئر کریں۔ 

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top