The news is by your side.

Advertisement

ایم کیو ایم کے چونتیس کارکنوں نے را سے تربیت حاصل کی، سعید بھرم کا انکشاف

کراچی : ایم کیو ایم کے گرفتار دہشت گرد سعید بھرم کے انکشافات پر مبنی جے آئی ٹی رپورٹ منظر عام پر آگئی ہے، جے آئی ٹی میں انکشاف کیا گیا ہے کہ ایم کیو ایم کے چونتیس کارکنوں نے را سے تربیت حاصل کی۔

تفصیلات کے مطابق ایم کیوایم کے گرفتار ٹارگٹ کلر سعید بھرم نے جے آئی ٹی میں انکشاف کیا ہے کہ ایم کیوایم کے چونتیس کارکنوں نے بھارتی خفیہ ایجنسی را سے تربیت حاصل کی جبکہ ساؤتھ افریقا میں ٹارگٹ کلرز کےنیٹ ورک موجود ہیں۔

جےآئی ٹی میں انکشاف کیاگیا ہے حالیہ آپریشن کے دوران تیرہ ٹارگٹ کلرز بیرون ملک فرار ہوئے، ٹارگٹ کلر دبئی، ساؤتھ افریقہ اور ملایشیا میں روپوش ہیں۔

سعید بھرم نے انکشاف کیا کہ کراچی میں ٹارگٹ کلنگ کیلئے خفیہ کوڈ استعمال کیا جاتا تھا، کلاشنکوف کو کمپیوٹر، پسٹل کو پینسل، اسلحہ اور بارود کو چنا اور راکٹ لانچر کو پائپ کے کوڈز دیئے گئے تھے۔

سعیدبھرم نے مزید انکشاف کیا کہ انیس قائمخانی نے دو ہزار بارہ میں ذوالفقارمرزا، آفاق احمد اور شاہی سید کو ٹارگٹ کرنے کا ٹاسک دیا، ملزم نے اراضی کے قبضے میں ملوث نو ایم کیو ایم رہنماؤں کے نام بھی اگل دیئے، جن میں محمد انور،وسیم آفتاب، حماد صدیقی، چنوں ماموں سمیت دیگر شامل ہیں۔

Print Friendly, PDF & Email

Comments

comments

یہ بھی پڑھیں