The news is by your side.

Advertisement

سندھ میں میٹرک اور انٹر کے سالانہ امتحانات کب ہوں گے ؟ تاریخوں کا اعلان ہوگیا

والدین ایڈوانس نہیں ماہانہ فیس ادا کریں ،سعید غنی

کراچی : وزیر تعلیم سعید غنی نے میٹرک اور انٹر کے سالانہ امتحانات کی تاریخوں کا اعلان کردیا ، 15 جون سے 30جون تک نویں اور دسویں جماعت کے امتحانات ہوں گے جبکہ 6 جولائی کو 11ویں اور12ویں جماعت کے امتحانات شروع ہوں گے۔

تفصیلات کے مطابق وزیر تعلیم سعید غنی نے میڈیا سے گفتگو کرتے ہوئے کہا کہ اسٹیئرنگ کمیٹی کاآج تیسرااجلاس تھا، دنیامیں کروناوائرس کی وجہ سے کرائسز ہیں، جس دن اسکول کھولناچاہتےتھےاس دن متاثرین کی تعداد14تھی ، ایک کیس کی ٹریول ہسٹری نہ ہونے پر اسکولز نہ کھولنےکافیصلہ کیاگیا۔

سعیدغنی کا کہنا تھا کہ وزیراعلیٰ سندھ آج شام 4 بجے اہم پریس کانفرنس کریں گے، سندھ کےاسکولزمیں نئےتعلیمی سال کاآغازیکم جون سےہوگا، 15 جون سے 30جون تک نویں اوردسویں جماعت کے امتحانات ہوں گے جبکہ 15 اگست کو میٹرک امتحانات کے نتائج  جاری کئے جائیں گے۔

وزیر تعلیم نے کہا کہ 2 ماہ کی چھٹیوں کےاعلان پرضروری تھاکہ کمیٹی تعلیمی سال پربات کرے، اسٹیئرنگ کمیٹی ممبران نے سندھ  حکومت کےفیصلےکوانڈورس کیا۔

ان کا کہنا تھا کہ 6 جولائی کو 11ویں اور12ویں جماعت کے امتحانات شروع ہوں گے اور 12 ویں جماعت کے نتائج 15دستمبرکو جاری کئے جائیں گے جبکہ انٹر کا نیا تعلیمی سال یکم اگست سے شروع ہوگا۔

سعید غنی نے کہا 15 جولائی سے 11ویں جماعت کیلئے داخلے شروع ہوجائیں گے اور نویں جماعت کے نتیجے کی بنیاد پر 11ویں جماعت  کا  داخلہ کیا جائے گا، 15 اگست کو نتیجے کے بعد جو پاس ہوجائیں گے وہ تعلیمی سال آگے بڑھائیں گے اور 10 ویں جماعت میں فیل ہونیوالےواپس 10ویں کاامتحان دیں گے۔

وزیر تعلیم کا کہنا تھا کہ والدین کہہ رہے ہیں اسکول بند ہیں تو فیس کیوں دیں، سپریم کورٹ اورہائی کورٹ میں بھی کیسز چلے ہیں، عدالت کے فیصلے کے مطابق اپنے بچوں کی فیس ماہانہ ادا کریں۔

انھوں نے مزید کہا کہ اسے پہلے تمام اسکول چھٹیوں کے ایڈوانس فیس لیتے تھے، کوئی بھی ایڈوانس نہیں دے گا جو بھی فیس دینی ہوگی  ماہانہ  ہوگی، والدین ایڈوانس نہیں ماہانہ فیس ادا کریں، حکومت سندھ کا ہر سطح پر تعاون کرنے کا اعلان کیا ہے۔

سعید غنی کا کہنا تھا کہ اسکول کھلے ہونے پر ہم نے کارروائی کی ہے ، ہم نے ایسے اسکول بھی بند کرائے جو کبھی بند نہیں ہوتے تھے، حالات  کا تقاضا ہے کہ لوگ ہم سے تعاون کریں، علمائے کرام سندھ حکومت کی درخواست پرتعاون کررہےہیں، علمائے کرام نے مذہبی اجتماعات کو کم کیا ہے۔

وزیر تعلیم نے کہا کہ اسٹیئرنگ کمیٹی اجلاس میں پرائیوٹ اسکولز کےنمائندے موجود تھے ، کوئی بھی اسکول ایڈوانس فیس لے گا اس  کیخلاف کارروائی کریں گے ، امید ہے کرونا وائرس کے پیش نظرجون میں حالات بہترہوجائیں گے, چھٹیاں دینے کا مقصد ہے ہمیں ان کی صحت کا خیال ہے۔

ان کا کہنا تھا کہ کیمبرج سسٹم کےامتحانات کےسلسلے میں وفاقی حکومت سے رابطہ کیاہے، طلباکو پروموٹ نہیں کیا جا رہا، تمام امتحانات ہوں گے، مئی تک تعلیمی سال ختم نہیں بلکہ توسیع کی گئی ہے۔

سعیدغنی نے کہا کہ  وزیراعلیٰ نے کل اجلاس میں تجویز دی ایران سےآنیوالوں کو بذریعہ جہاز کراچی لایا جائے اور تفتان سے آنیوالوں کو کراچی میں قرنطینہ میں رکھاجائے تاکہ وہ مزید پریشان نہ ہوں۔

وزیر تعلیم کا کہنا تھا کہ  سب سے تیز خبرپہنچانےکا ذریعہ سوشل میڈیا ہے، میرے ٹوئٹر اورفیس بک پر فالورز بہت ہیں، ملک کے حالات سنجیدگی کا تقاضا کررہے ہیں، روزانہ کی بنیاد پر ٹاسک فورس کی میٹنگ ہوتی ہے۔

انھوں نے کہا کہ  3مریض ایسے ہیں، جن کی ٹریول ہسٹری نہیں ہے، شہریوں سے گزارش کررہے ہیں ملنا ملاناختم کریں، اس مرض کا واحد علاج ملناملانا کم کرنا ہے۔

fb-share-icon0
Tweet 20

Comments

comments

یہ بھی پڑھیں