The news is by your side.

Advertisement

اگر کراچی تباہ ہوتا ہے تو اس شہرمیں رہنے والا ہر شخص تباہ ہوگا، سعید غنی

کراچی : وزیر تعلیم سندھ سعید غنی کا کہنا ہے کہ کسی کو ہم سے اختلاف ہوسکتا ہے مگر کراچی کی ترقی برباد نہ کریں، اگرکراچی تباہ ہوتاہےتواس شہرمیں رہنے والا ہر شخص تباہ ہوگا۔

تفصیلات کے مطابق وزیر تعلیم سندھ سعید غنی نے اپنے بیان میں کہا کہ ہمیں اپنی سوچ میں تبدیلی لاناہوگی، کسی کو ہم سے اختلاف ہوسکتا ہے مگرکراچی کی ترقی بربادنہ کریں، اگرکراچی تباہ ہوتاہےتواس شہرمیں رہنےوالاہرشخص تباہ ہوگا۔

سعید غنی کا کہنا تھا کہ سندھ حکومت میں کراچی کی ترقی کے لئےذرابھی بدنیتی نہیں، کراچی سندھ ریونیومیں 90 فیصددیتا ہے تو وفاق کوبھی 60 فیصد دیتا ہے، سندھ کو کہا جاتا ہے کہ 90 فیصد لگاؤ تو وفاق بھی 60 فیصد لگائے۔

وزیر تعلیم سندھ نے مزید کہا کہ کراچی کیلئے ہم نے بہت کچھ کیا ہے اور کررہے ہیں، یہی بے حسی رہی تو ہمارا نقصان کم اورشہر کا زیادہ ہوگا۔

ان کا کہنا تھا کہ پاکستان کی تاریخ کتابوں میں ہونی چاہئے، ہمیں بچوں کو حقائق پڑھانا ہوگی تاکہ انہیں معلوم ہو، بدقسمتی سے حقائق کے منافی بہت سی چیزیں کتابوں میں ہیں۔

Comments

یہ بھی پڑھیں