وزیربلدیات سعیدغنی کی2گھنٹے میں سڑکوں اورگلیوں سے نکاسی آب کی ہدایت
The news is by your side.

Advertisement

وزیربلدیات سعیدغنی کی2گھنٹے میں سڑکوں اورگلیوں سے نکاسی آب کی ہدایت

کراچی : وزیربلدیات سعیدغنی نے متعلقہ اداروں کو 2گھنٹے میں سڑکوں اورگلیوں سے نکاسی آب کی ہدایت کرتے ہوئے کہا کوتاہی پرافسران وملازمین کو شوکاز نوٹس جاری کیےجائیں گے۔

تفصیلات کے مطابق کراچی میں وزیر بلدیات سندھ سعیدغنی نے ڈی ایم سیز، سالڈویسٹ اور واٹربورڈافسران سے رابطہ کیا اور 2گھنٹےمیں سڑکوں اورگلیوں سےنکاسی آب کی ہدایت کردی۔

سعیدغنی نے کہا کوتاہی پرافسران وملازمین کوشوکازنوٹس جاری کیےجائیں گے۔

دوسری جانب ‌وزیراعلیٰ سندھ سید مراد علی شاہ نے کمشنر کراچی کو ہدایت کی ہے کہ تمام ڈپٹی کمشنرز کو فیلڈ میں رہیں اور اپنے ضلع میں عوام کی سہولت کے لیےکام کریں۔

وزیراعلیٰ سندھ کا کہنا تھا کہ بارش کے پانی کی نکاسی کو یقینی بنائیں، ٹریفک کی روانی کیلئے ٹریفک پولیس عوام کا خیال رکھے جبکہ وزیر  بلدیات سعید غنی کو  سڑکوں کی صفائی کا کام شروع کرانے کی ہدایت بھی کی۔

مزید پڑھیں : کراچی کے مختلف علاقوں میں موسلا دھار بارش، موسم سرد

یاد رہے کراچی میں رات گئے ہونے والی مختلف علاقوں میں موسلادھار بارش نے شہرکاحلیہ بدل ڈالا، جس کے باعث مختلف علاقوں میں سڑکوں پر جگہ جگہ پانی جمع ہوگیا جس سے ٹریفک کا نظام درہم برہم ہوگیا اور شہریوں کو اذیت کا سامنا کرنا پڑ ا۔

لیاقت آباد میں سڑک بیٹھ گئی، جس سے متعد د موٹر سائیکل سوار زخمی ہوئے جبکہ جوبلی کےعلاقے میں ایک شخص کرنٹ لگ کرجاں بحق ہو گیا۔

خیال رہے محکمہ موسمیات نے آج بھی بارش کا سلسلہ جاری رہنے کی پیشگوئی کی ہے ، جس سے سردی کی شدت میں مزید اضافہ ہوگا۔

Comments

comments

یہ بھی پڑھیں