The news is by your side.

Advertisement

سندھ میں ہفتہ اور اتوار کو بھی مارکیٹیں کھول دیں گے، سعید غنی

کراچی : صوبائی وزیر تعلیم سعید غنی نے کہا کہ شاپنگ مالز بند رکھنے کا فیصلہ این سی سی کا فیصلہ تھا، سندھ میں ہفتہ اور اتوار کو بھی مارکیٹیں کھول دیں گے، کوشش کریں گے کہ سپریم کورٹ کے فیصلے پر عمل درآمد ہو۔

یہ بات انہوں نے کراچی میں میڈیا سے گفتگو کرتے ہوئے کہی، صوبائی وزیر تعلیم کا کہنا تھا کہ پورا ہفتہ مارکیٹیں کھولنے کے سپریم کورٹ کے حکم پر عمل کرنے کے پابند ہیں لہٰذا عدالتی حکم کے مطابق ہفتے اور اتوار کو بھی مارکیٹیں کھول دیں گے، شاپنگ مالز بند رکھنے کا فیصلہ این سی سی کا فیصلہ تھا۔

سعید غنی نے کہا کہ شاپنگ مالز سے متعلق سپریم کورٹ کا آرڈر ابھی دیکھا نہیں ہے، پوری کوشش کریں گے کہ سپریم کورٹ کے فیصلے پر عمل درآمد ہو،

ایک سوال کے جواب میں انہوں نے کہا کہ عوام ایس اوپیز پر عملدرآمد نہیں کریں گے تو حکومت کو مشکل ہوگی، عوام ہی ذمہ داری کا مظاہرہ نہ کرے تو حکومت عملدرآمد نہیں کراسکتی۔

 انہوں نے اپیل کی کہ بازار جانے والوں کو خیال کرنا چاہیے کہ بچوں اور بزرگوں کو ساتھ نہ لے کر جائیں، بازاروں میں جانے والے ماسک کا استعمال کریں اور سماجی فاصلہ لازمی رکھیں۔

 ملک بھر میں شاپنگ مالز کھولنے کا حکم، ہفتہ اور اتوار کو کاروبار بند کرانے کا حکومتی حکم کالعدم قرار

انہوں نے کہا کہ خواتین چند مہینوں کے بچوں کوبھی مارکیٹیں میں لے کر آرہی ہیں جس سے گریز کرنا چاہیے، اس صورتحال میں شہریوں کو بھی ذمہ داری پوری کرنا ہوگی۔

یاد رہے کہ کورونا ازخودنوٹس کیس کی سماعت کے دوران سپریم کورٹ نے کراچی کی تمام مارکیٹس کھولنے کا حکم دے دیا، چیف جسٹس کی کمشنرکراچی کومارکیٹس کھولنےکی ہدایت کرتے ہوئے کہا زینب مارکیٹ میں غریب لوگ آتےہیں، زینب مارکیٹ میں لوگوں کوایس او پیزعمل کرائیں، ایس او پیز پر عمل کرانا ہےآپ نے لوگوں کو مارنایا ڈرانانہیں۔

Comments

یہ بھی پڑھیں