وفاقی حکومت سنجیدہ ہے تو سندھ حکومت کی مدد کرے: سعید غنی -
The news is by your side.

Advertisement

وفاقی حکومت سنجیدہ ہے تو سندھ حکومت کی مدد کرے: سعید غنی

کراچی: صوبہ سندھ کے وزیر بلدیات سعید غنی کا کہنا ہے کہ کے سی آر منصوبے کو سندھ حکومت نے زندہ رکھا۔ منصوبے میں وفاقی حکومت کو کردار ادا کرنا چاہیئے۔ وفاقی حکومت سنجیدہ ہے تو سندھ حکومت کی مدد کرے۔

تفصیلات کے مطابق صوبہ سندھ کے وزیر بلدیات سعید غنی کا کہنا ہے کہ کسی بھی شخص پر الزام ہے تو وہ مجرم ثابت نہیں ہوتا، مہنگائی بڑھ رہی ہے، پیٹرول، بجلی اور گیس مہنگی کردی گئی ہیں۔

انہوں نے کہا کہ سی پیک میں بڑے بڑے منصوبوں کو شامل کروایا، کے سی آر منصوبے کو سندھ حکومت نے زندہ رکھا۔ منصوبے میں وفاقی حکومت کو کردار ادا کرنا چاہیئے۔ وفاقی حکومت سنجیدہ ہے تو سندھ حکومت کی مدد کرے۔

سعید غنی نے کہا کہ سانحہ ساہیوال پر پورا ملک سوگوار ہے، عمران خان نے وعدے کیے تھے 90 دن میں تبدیلی لے کر آؤں گا۔ وفاقی حکومت کی ترجیحات کچھ اور ہیں کراچی کے مسائل حل کرنا نہیں۔

اس سے قبل ایک موقع پر سعید غنی کا کہنا تھا کہ بلاول بھٹو اور آصف زرداری کی ہدایت ہے بلدیاتی مسائل کا حل نکالا جائے، کہیں نہیں لکھا کہ پورے ملک میں بلدیاتی نظام ایک جیسا ہو۔

انہوں نے کہا تھا کہ بلدیاتی نظام بنانا صوبائی حکومت کی صوابدید ہے، وفاق صوبوں کو بلدیاتی نظام کے معاملے پر ڈکٹیٹ نہیں کر سکتا۔

سعید غنی نے کہا تھا کہ جب خدمت کرتے ہیں تو اعزازیہ بھی ملنا چاہیئے، ہم نے منتخب نمائندوں کو اعزازیہ دینے کا فیصلہ کر لیا ہے، یقین دلاتا ہوں جہاں پی پی نہیں جیتی وہاں بھی کام ہوگا، ماضی کے مقابلے میں زیادہ کام ہوگا اور پورے سندھ میں ہوگا۔

وزیرِ بلدیات کا کہنا تھا کہ بلدیاتی نمائندوں کے ساتھ مل کر کراچی کی ترقی کے لیے کام کریں گے، ایس بی سی اے (سندھ بلڈنگ کنٹرول اتھارٹی) اور دیگر اداروں کے بورڈز میں تبدیلی زیرِ غور ہے، اداروں کے بورڈز میں ماہرین کا شامل ہونا ضروری ہے۔

Comments

comments

یہ بھی پڑھیں