The news is by your side.

Advertisement

حالات کنٹرول میں ہیں، صورتحال بدلی تو اپنے فیصلوں پر نظرثانی کرسکتے ہیں، سعید غنی

حیدرآباد: وزیر تعلیم سعید غنی کا کہنا ہے کہ اس وقت حالات کنٹرول میں ہیں صورتحال بدلی تو اپنے فیصلوں پر نظرثانی کر سکتے  ہیں، 16مارچ سے تعلیمی ادارے دوبارہ کھل جائیں گے۔

تفصیلات کے مطابق حیدرآباد میں وزیر تعلیم سعید غنی نے میڈیا سے گفتگو کرتے ہوئے کہا کروناوائرس جب سے آیا ہے، تعلیمی ادارے  بند کئے ہیں، 16مارچ سے تعلیمی ادارے دوبارہ کھل جائیں گے اور امتحانات شیڈول کے مطابق ہوں گے۔

سعید غنی کا کہنا تھا کہ کل ایجوکیشن کی اسٹیئرنگ کمیٹی کا اجلاس کیاتھا، اجلاس میں یہی تجویزآئی کے اسکولزدوبارہ کھلیں گے، متاثرین  کرونا کا وائرس دوسرے ممالک سے لے کر آئے، ہمارے ترجمان نے کہا اسکریننگ شاید صحیح نہیں ہورہی۔

وزیر تعلیم نے مزید کہا کہ کرونا کے معاملے پر وفاق سے کسی لڑائی کےمتحمل نہیں ہوسکتے، اس وقت حالات کنٹرول میں ہیں اور اسکول  کھولے جاسکتے ہیں، سب سے آسان فیصلہ ہے اسکولز بند اور پی ایس ایل میچزنہ کرائیں۔

مزید پڑھیں : تمام اسکولز 16 مارچ سے ہی کھلیں گے، وزیر تعلیم سندھ

ان کا کہنا تھا کہ ہمارے پاس امریکا، ایران اوراٹلی جیسی صورتحال نہیں، خدا نہ کرے اگر صورتحال بدلی تو اپنے فیصلوں پر نظرثانی کرسکتے ہیں۔

گذشتہ روز وزیرتعلیم سندھ سعید غنی نے اعلان کیا تھا کہ تمام اسکولوں کی چھٹیاں 15 مارچ سے ختم ہوجائیں گی اور 16 مارچ سے اسکولوں میں تدریس شروع ہو گی۔

خیال رہے سندھ میں کورونا وائرس کے مریضوں کی تعداد 13 ہے، تمام متاثرہ افراد بیرون ملک کا سفر کر کے لوٹیں ہیں اور اب تک مہلک وائرس کا کسی ایک شخص سے دوسرے میں منتقل ہونے کا کوئی کیس سامنے نہیں آیا۔

fb-share-icon0
Tweet 20

Comments

comments

یہ بھی پڑھیں