ایم کیو ایم کی ووٹ مشین اس بار کام نہیں کرسکے گی، سعید غنی saeed ghani
The news is by your side.

Advertisement

ایم کیو ایم کی ووٹ مشین اس بار کام نہیں کرسکے گی، سعید غنی

کراچی: پاکستان پیپلزپارٹی کے رہنما سعید غنی نے کہا ہے کہ انتخابات میں ایم کیو ایم کو دھاندلی کے ذریعے ووٹ نہیں ملیں گے، ایم کیو ایم کی ووٹ مشین اس بار کام نہیں کرسکے گی۔

ان خیالات کا اظہار انہوں نے میڈیا سے گفتگو کرتے ہوئے کیا، سعید غنی نے کہا کہ انتخابات 2018 اپنے مقررہ وقت پر ہوں گے، سب مل کر بھی پیپلزپارٹی کا مقابلہ نہیں کرسکتے۔

رہنما پیپلزپارٹی کے مطابق کراچی میں پہلی بار عام انتخابات شفاف ہوں گے، ووٹرز کو پولنگ کی سہولت قریب علاقوں میں پولنگ اسٹیشن میں ملنی چاہئے۔

سعید غنی نے دعویٰ کیا کہ پیپلزپارٹی کراچی سے 50 فیصد سے زائد سیٹیں لے گی، پیپلزپارٹی کراچی کی سب سے بڑی سیاسی جماعت بن کر ابھرے گی، امید ہے کراچی کے عوام پیپلزپارٹی کو کامیاب کریں گے۔

واضح رہے کہ سعید غنی کا کہنا تھا کہ کراچی والوں نے دہشت گرد جماعتوں کو چھوڑ دیا ہے، پیپلزپارٹی نے حکومتی پالیسی کے تحت کراچی کے مسائل حل کئے ہیں، پیپلزپارٹی میں لوگوں کی شمولیت عوامی اعتماد کا مظہر ہے۔

ان کا کہنا تھا کہ پہلے ایم کیوایم دیہی اور شہری علاقوں میں فرق کو مٹانے کی باتیں کیا کرتی تھی جبکہ اب یہی ایم کیوایم اب فاصلے بڑھانے کی باتیں کررہی ہے کیونکہ ایم کیوایم کو جب بھی خطرہ محسوس ہوتا ہے وہ لسانی سیاست شروع کردیتی ہے۔

رہنما پیپلزپارٹی کا کہنا تھا کہ ایم کیوایم مذموم مقاصد کیلئے لوگوں میں دوبارہ نفرت پیدا کررہی ہے، اس عمل کی پرزور مذمت کرتے ہیں، مذہبی انتہاء پسندی کے ساتھ لسانی انتہاء پسندی بھی قابل مذمت ہے۔


خبر کے بارے میں اپنی رائے کا اظہار کمنٹس میں کریں‘ مذکورہ معلومات  کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں

Comments

comments

یہ بھی پڑھیں