The news is by your side.

Advertisement

عوام عمرشریف کی نماز جنازہ میں شرکت کریں، سعید غنی

کراچی : وزیر اطلاعات سندھ سعید غنی نے کہا ہے کہ پاکستان کے لیجنڈ اداکار عمرشریف کو خراج عقیدت پیش کرنے کے لیے شہری نمازجنازہ میں لازمی شرکت کریں۔

عمرشریف کی میت جرمنی سے ترکش ایئرلائن کے ذریعے کراچی ایئر پورٹ پر پاکستان پہنچی اس موقع پر وزیر اطلاعات سندھ سعید غنی اور دیگر بھی موجود تھے۔

انہوں نے کہا کہ مزاح کے بے تاج بادشاہ کی نماز جنازہ آج سہہ پہر تین بجے عمر شریف پارک کلفٹن میں ادا کی جائے گی، نماز جنازہ مولانا بشیر فاروقی پڑھائیں گے۔

سعید غنی نے تمام شہریوں سے اپیل کی کہ تمام لوگ عمرشریف کو خراج عقیدت پیش کرنے کے لیے ان کی نمازجنازہ میں لازمی شرکت کریں۔

انہوں نے بتایا کہ عمرشریف پارک میں نمازجنازہ کے لیےصفائی کا انتظام کرلیا گیا ہے، ہم مرحوم کےاہل خانہ سے مسلسل رابطے میں ہیں، عمر شریف نے دنیا میں پاکستان کا نام روشن کیا۔

سعیدغنی نے کہا کہ ہم چاہتے ہیں کوئی ادارہ عمرشریف کے نام سےمنسوب کیا جائے، ایک ایسا ادارہ جوکام کرتا رہےاور عمر شریف کو لوگ یاد رکھیں۔

Comments

یہ بھی پڑھیں