The news is by your side.

Advertisement

کراچی والوں نے دہشت گرد جماعتوں کو چھوڑ دیا ہے، سعید غنی

کراچی : پیپلز پارٹی کے رہنما سعید غنی نے کہا ہے کہ کراچی والوں نے دہشت گرد جماعتوں کو چھوڑ دیا ہے، فریال تالپور کا کہنا ہے کہ شہر قائد کے عوام پیپلز پارٹی کو کامیاب کرائیں گے۔

ان خیالات کا اظہار کراچی میں افطارپارٹی سے پی پی کراچی کے صدر سعید غنی، پی پی خواتین ونگ کی صدر فریال تالپور نے خطاب کرتے ہوئے کیا۔

سعید غنی نے کہا کہ آئندہ عام انتخابات میں پیپلز پارٹی پہلے سے زیادہ ووٹ حاصل کرے گی، ہم سندھ کے شہری علاقوں میں اکثریتی نشستیں حاصل کریں گے۔

سعید غنی کا کہنا تھا کہ کراچی والوں نے دہشت گرد جماعتوں کو چھوڑ دیا ہے، پیپلز پارٹی نے حکومتی پالیسی کے تحت کراچی کے مسائل حل کئے، پیپلز پارٹی میں لوگوں کی شمولیت عوامی اعتماد کامظہر ہے۔

تقریب سے خطاب کرتے ہوئے فریال تالپور نے متحدہ قومی مومنٹ پاکستان کو شدید تنقید کا نشانہ بناتے ہوئے کہا کہ کراچی کا نعرہ لگانے والوں کا مستقبل تاریک نظر آرہا ہے۔

مزید پڑھیں: ایم کیو ایم کی ڈوبتی کشتی چھوڑیں، پیپلزپارٹی میں شامل ہوجائیں، سعید غنی کی پیشکش

کراچی کے شہری دہشت گرد تنظیم کے مقابلے میں پیپلز پارٹی کے امیدوار کو کامیاب کریں گے، فریال تالپور کا مزید کہنا تھا کہ کراچی کے مسائل پیپلز پارٹی حل کرے گی، پورے ملک سے پیپلزپارٹی کے امیدوار الیکشن لڑیں گے۔


خبر کے بارے میں اپنی رائے کا اظہار کمنٹس میں کریں‘مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔ 

Print Friendly, PDF & Email

Comments

comments

یہ بھی پڑھیں