The news is by your side.

Advertisement

پی ٹی آئی جلسے امن کمیٹی نے کامیاب بنائے: سعید غنی، مسائل سے توجہ ہٹانے کی ناکام کوشش ہے: علی زیدی

کراچی: وزیر تعلیم سندھ سعید غنی نے دعویٰ کیا ہے کہ کراچی میں پی ٹی آئی کی ریلیاں اور جلسے امن کمیٹی نے کامیاب بنائے، سی ویو پر دھرنے میں بھی امن کمیٹی کے لوگ شریک ہوئے، دوسری طرف وفاقی وزیر علی زیدی نے کہا ہے کہ پی پی وزرا کی پریس کانفرنس مسائل سے توجہ ہٹانے کی ناکام کوشش ہے۔

آج کراچی میں پریس کانفرنس کرتے ہوئے کہ پاکستان پیپلز پارٹی کے رہنما سعید غنی نے کہا کہ حبیب جان نے پی ٹی آئی میں شمولیت تسلیم کی، حبیب جان اور ذوالفقار مرزا کی عمران خان سے 2011 میں پی ٹی آئی لندن کی خاتون کے فون پر بات ہوئی، امن کمیٹی سے ملاقاتوں میں علی زیدی اور عمران اسماعیل بھی موجود ہوتے تھے۔

واضح رہے کہ صوبہ سندھ میں پاکستان تحریک انصاف اور پیپلز پارٹی کے رہنماؤں کے درمیان ایک دوسرے پر تنقید کا سلسلہ زور پکڑ گیا ہے، گزشتہ روز وفاقی وزیر علی زیدی نے لیاری گینگ وار کے سرغنہ عزیر بلوچ کے ساتھی حبیب جان بلوچ کی انکشافات سے بھرپور ویڈیو جاری کی تھی، اس سے قبل وہ عزیر بلوچ سے متعلق ‘اصل’ جے آئی ٹی رپورٹ بھی سامنے لا کر سیاسی ماحول کو گرما چکے تھے۔

آج پریس کانفرنس میں پی پی رہنما سعید غنی اور وزیر اطلاعات ناصر حسین شاہ نے جوابی الزامات لگائے، سعید غنی نے کہا کہ مجھے نیب پر اعتماد نہیں ہے کہ وہ پی ٹی آئی لیڈر حلیم عادل شیخ کے خلاف کارروائی کرے گی، مجھے ایسا لگ رہا ہے کہ نیب نے معاملہ حلیم عادل شیخ کو کلین چٹ دینے کے لیے اٹھایا ہے، شوگر کمیشن کی رپورٹ پر کئی حکمرانوں پر انگلیاں اٹھیں لیکن نیب نے کسی کو نہیں بلایا۔

علی زیدی نے عزیر بلوچ کے دوست حبیب جان کی دھماکا خیز ویڈیو جاری کر دی

سعید غنی نے علی زیدی کے لگائے الزامات پر کہا کہ صدر پاکستان، گورنر سندھ عمران اسماعیل اور علی زیدی نے تین رکنی کمیٹی بنائی تھی، اس کمیٹی کو ٹاسک دیا گیا کہ امن کمیٹی کو پی ٹی آئی میں شمولیت کے لیے راضی کیا جائے، کمیٹی نے امن کمیٹی سے رابطہ کیا، سی ویو پر جو دھرنا دیا گیا اس میں امن کمیٹی کے لوگ شریک ہوتے رہے، امن کمیٹی سے ملاقاتیں کراچی سے منتخب ایم این اے کے گھر پر ہوتی تھیں، علی زیدی اس کمیٹی کا انکار کر کے دکھائیں۔

علی زیدی عزیر بلوچ کی اصل جے آئی ٹی رپورٹ سامنے لے آئے، پی پی رہنماؤں کے نام شامل

سعید غنی کا کہنا تھا کہ حبیب جان اور عمران خان کی 2011 میں بات ہوئی، حبیب جان اور عمران خان میں گفتگو پی ٹی آئی لندن کی خاتون کے فون پر ہوئی، فون پر امن کمیٹی کی جانب سے پی ٹی آئی کو سپورٹ کرنے پر بات ہوئی۔

انھوں نے کہا کہ فہمیدہ مرزا صاحبہ کو سندھ دشمنی جیسی باتیں نہیں کرنی چاہئیں، وہ سندھ کے حق غصب کرنے والی وفاقی حکومت کے ساتھ کھڑی نہ ہوں۔

پی ٹی آئی کے وفاقی وزیر علی زیدی نے پیپلز پارٹی کے وزرا کی پریس کانفرنس پر رد عمل دیتے ہوئے کہا کہ منشیات فروش صوبائی وزیر مسائل سے توجہ ہٹانے کی ناکام کوشش کر رہے ہیں، عزیر بلوچ زیر حراست ہے اور اس کو استعمال کرنے والی سیاسی شخصیات کے نام جے آئی ٹی میں ہیں اوروہ آزاد ہیں۔

علی زیدی کا کہنا تھا کہ اپنی اور خاندان کی زندگی خطرے میں ڈال کر گینگ وار اور دہشت گردی سے متاثرہ افراد کے لیے اپنا کردارا دا کر دیا، معاملہ سپریم کورٹ لے کر جاؤں گا، وہاں کوئی کسی کے زیر اثر نہیں ہے۔

fb-share-icon0
Tweet 20

Comments

comments

یہ بھی پڑھیں