کراچی(18 جنوری 2026): صوبائی وزیر سندھ سعید غنی نے کہا ہے کہ حکومت سانحہ گل پلازہ کے متاثرین کو معاوضہ دے گی۔
صوبائی وزیر سندھ سعید غنی نے کہا ہے کہ حکومت ڈنڈے کے زور پر بلڈنگ سیفٹی کے قوانین نافذ نہیں کرواسکتی، اس حادثے سے بھی ہم نے سبق سیکھا ہے، حکومت ذمہ داری ادا کرے گی۔
سعید غنی نے کہا کہ حکومت سانحہ گل پلازہ کے متاثرین کو معاوضہ دے گی لیکن اولین ترجیح آگ بجھا کر عمارت کا سرچ آپریشن کرنا ہے، دوسرے مرحلے میں آگ لگنےکی وجہ معلوم کی جائے گی۔
انہوں نے کہا کہ مجھے 5 خاندان ایسے ملے ہیں جن کے لوگ لاپتہ ہیں، کراچی میں ہزاروں کی تعداد میں عمارتیں موجود ہیں، کوشش کرسکتے ہیں ڈنڈے کے زور پر ہر چیز نافذ نہیں کرسکتے، عمارتوں کے ہزاروں افراد کیخلاف کارروائی نہیں کرسکتے۔
سعید غنی نے مزید کہا کہ سانحہ گل پلازہ ایک افسوسناک واقعہ ہے، قیمتی انسانی جانوں کے ضیاع پر دکھ ہے، اطلاع ہے کہ عمارت میں لوگ پھنسے ہوئے ہیں، سب سے بڑی ترجیح یہ ہے کہ ان لوگوں کو بچایا جا سکے۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں