The news is by your side.

Advertisement

بائیس کروڑ عوام نے 5 افراد کے فیصلے کو مسترد کر دیا: کیپٹن (ر) صفدر

سانگلہ: سابق وزیر اعظم نواز شریف کے داماد اور رکن قومی اسمبلی کیپٹن ریٹائرڈ صفدر کہتے ہیں کہ نواز شریف کو ایٹمی دھماکا کرنے کی سزا دی گئی، بائیس کروڑ عوام نے 5 افراد کے فیصلے کو مسترد کر دیا۔

ان خیالات کا اظہار انہوں نے مسلم لیگ (ن) کے ورکرز کنونشن سے خطاب کرتے ہوئے کیا، کیپٹن (ر) صفدر کا کہنا تھا کہ نواز شریف کو سی پیک منصوبہ اور عوام کی خدمت کرنے کی سزا دی جارہی ہے، لیکن وہ جمہوریت کے استحکام کی جنگ لڑ رہے ہیں۔

اپنے وجود اور انا کے لیے ملک دو لخت کروا دیا گیا: کیپٹن صفدر

عدلیہ پر تنقید کرتے ہوئے ان کا کہنا تھا کہ 5 افراد نے مل کر نواز شریف کے خلاف فیصلہ سنایا البتہ عوام ان کے فیصلے کو مسترد کرچکی ہے، نواز شریف ووٹ کی حرمت کی بحالی کی جدوجہد کر رہے ہیں۔

ان کا مزید کہنا تھا کہ مخالفین کی تمام سازشیں ناکام ہوں گی، سانگلہ ہل میں کل کا جلسہ کامیابی کے تمام ریکارڈز توڑ دے گا۔

مشرف کو بلاکر سزا دی جائے، تب عدلیہ کا وقار بحال ہوگا: کیپٹن صفدر

خیال رہے کہ 18 مارچ کو مسلم لیگ (ن) کی جانب سے پنجاب کے ضلع سانگلہ ہل میں جلسے کا انعقاد کیا جارہا ہے جہاں سابق وزیر اعظم نواز شریف جلسے سے خصوصی خطاب کریں گے، جبکہ ان کی بیٹی مریم نواز، وفاقی وزرا سمیت دیگر اہم شخصیات بھی شریک ہوں گی۔

واضح رہے کہ اس ضمن میں سانگلہ ہل اسٹیڈیم کو پارٹی پرچموں، بڑے بڑے بینروں اور تصاویر کے ساتھ دلہن کی طرح سجا دیا گیا ہے۔


خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کے لیےسوشل میڈیا پرشیئر کریں۔

Comments

comments

یہ بھی پڑھیں