کراچی : سندھ میں گواہان کی حفاظت کے لئےفورس اورسیف ہاؤس بنائے جائیں گے۔ سندھ میں انسداد دہشت گردی کی مزید10عدالتیں بھی بنیں گی، اس بات کا فیصلہ ایپکس کمیٹی کے اجلاس میں کیا گیا۔
تفصیلات کے مطابق اب سندھ میں گواہوں کی حفاظت ہوگی،علیحدہ فورس بنے گی،سیف ہاؤس قائم کیے جائیں گے۔ اس بات کا فیصلہ صوبائی ایپکس کمیٹی کے اجلاس میں کیا گیا۔
ایپکس کمیٹی کااجلاس وزیراعلٰی ہاؤس میں گورنراوروزیراعلٰی کی مشترکہ صدارت میں ہوا۔ کورکمانڈر کراچی، ڈی جی رینجرز، چیف سیکریٹری، آئی جی سندھ ، محکمہ داخلہ کے افسر اور حساس اداروں کے نمائندے بھی شریک ہوئے۔
اجلاس میں بتایا گیا کہ سندھ میں انسداد دہشت گردی کی مزید دس عدالتیں جلد کام شروع کردیں گی ، سندھ میں دہشت گردی کے پچیس مقدمات ملٹری کورٹس بھیج دیئے گئے ہیں۔
علاوہ ازیں پاک چین اقتصای راہداری کے لئےبھی فورس بنےگی، جس میں دوہزار ریٹائرڈ فوجی لئے جائیں گے۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں