لاہور : پاکستان فٹ بال فیڈریشن کے صدر مخدوم فیصل صالح حیات کا کہنا ہے کہ فیفا کے احکامات پر عمل نہ کیا گیا تو پاکستان ٹیم ساف فٹ بال چیمپئن شپ میں شرکت نہیں کرسکے گی۔
ساف فٹ بال چیمپئن شپ تئیس دسمبر سے بھارت میں شروع ہورہی ہے۔ پاکستان فٹ بال فیڈریشن کے صدر فیصل صالح حیات کا کہنا ہے کہ قومی ٹیم کے انتخاب میں پہلے ہی بہت دیر ہوچکی ہے۔
فیڈریشنز کے اکاؤنٹس منجمند ہیں جس وجہ سے ٹیم کو بھارت نہیں بھیجا جاسکتا۔ ٹیم کے مقابلوں میں شرکت نہ کرنے سے پاکستان کو بڑا نقصان ہوگا ۔
واضح رہے کہ فیفا تیس جون کو ہونے والے انتخابات میں منتخب ہونے والے صدر فیصل صالح حیات کو تسلیم کرچکی ہے تاہم حکومتی مداخلت کے باعث فیڈریشن کے اکاؤنٹس منجمد کئے گئے ہیں اور فیفا ہاؤس پر بھی حکومتی قبضہ برقرار ہے۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں