The news is by your side.

Advertisement

سانحہ صفورا‘ سبین قتل میں ملوث مجرمان کی اپیل‘ عدالت کا اہلِ خانہ سے ملاقات کرانے کا حکم

کراچی: سندھ ہائی کورٹ میں سانحہ صفورا اور سبین محمود کیس میں سزائے موت پانے والے تین مجرمان کی اپیل کی سماعت ہوئی‘ وفاقی حکومت نے فوجی عدالت کے حکم نامے کی نقول فراہم کرنے سے انکار کردیا۔

تفصیلات کے مطابق خرم شفیق،عمر اور علی رحمان کو سانحہ صفورا کیس میں فوجی عدالت نے موت کی سزا سنائی تھی‘ اہلِ خانہ کا موقف ہے کہ تینوں کافی عرصے سے لاپتہ تھے‘ آئی ایس پی آر کی پریس ریلیز سے معلوم ہوا کی سزا سنائی گئی ہے۔

اہل خانہ کا کہنا تھا کہ عدالتی کارروائی کے دوران علم ہوا کہ دہشت گردی کے مقدمات میں ملوث کیا گیا ہے، انہوں نے یہ بھی کہا کہ علی رحمان اور عمر کو سبین محمود قتل کیس میں بھی موت کی سزا سنائی گئی ہے۔


سانحہ صفورہ‘ سبین محمود کیس: فریقین کو دوبارہ نوٹس جاری


درخواست میں یہ بھی موقف اختیار کیا گیا کہ سزا کے خلاف اپیل کی مہلت ختم ہورہی ہے، حکام مجرمان سے ملاقات نہیں کرارہے‘ علی رحمان اور عمر کو عام جیل میں منتقل کرکے وکیل سے ملاقات کرائی جائے۔

دوسری جانب ایڈیشنل اٹارنی جنرل نے کہا کہ درخواست گزاروں کو ملٹری کورٹ کا فیصلہ دکھایا جاسکتا ہے ، فراہم نہیں کیا جاسکتا۔ عدالت نے وفاقی حکومت کوملاقات اور دستاویزات کے معاملے میں تعاون کی ہدایت کرتے ہوئے سماعت ملتوی کردی۔

Print Friendly, PDF & Email

Comments

comments

یہ بھی پڑھیں