The news is by your side.

Advertisement

صاحبزادہ عامر جہانگیر وزیراعظم کے ترجمان برائے تجارت وسرمایہ کاری مقرر

اسلام آباد: صاحبزادہ عامر جہانگیر کو وزیراعظم کا ترجمان تجارت وسرمایہ کاری مقرر کر دیا گیا.

تفصیلات کے مطابق صاحبزادہ عامر جہانگیر یورپ اوربرطانیہ سے ہونے والی تجارت وسرمایہ کاری کے ترجمان ہوں گے.

وزیر اعظم عمران خان نے منظوری دے دی ہے، جس کے بعد اس ضمن میں نوٹیفکیشن جاری کر دیا گیا.

یہ اہم فیصلہ عامر جہانگیر کی دو روزپہلے وزیراعظم عمران خان سے ملاقات کے دوران کیا گیا. نوٹیفکیشن کے مطابق صاحبزادہ عامرجہانگیرکاعہدہ اعزازی ہوگا.

خیال رہے کہ عامر جہانگیرکو اس سے پہلے بھی وزیراعظم کا معاون خصوصی بنایا گیا تھا، البتہ بعض حلقوں میں تنقید کےباعث عامر جہانگیرعہدے سے مستعفی ہوئے تھے.

مزید پڑھیں: معاون خصوصی برائے وزیراعظم تعیناتی، صاحبزادہ عامرجہانگیر کی عہدہ لینے سے معذرت

اب صاحبزادہ عامر جہانگیر کو دوبارہ وزیراعظم کا ترجمان تجارت وسرمایہ کاری مقرر کیا گیا ہے، نوٹیفیکشن بھی جاری ہوگیا.

گزشتہ مرتبہ عہدے سے معذرت کرتے ہوئے صاحبزادہ جہانگیر نے موقف اختیار کیا تھا کہ معاون خصوصی کا عہدہ دینا اعزاز کی بات ہے، میں اس کام کے لیے کوئی تنخواہ اور مراعات نہیں لے رہا تھا۔

Comments

comments

یہ بھی پڑھیں