(17 جولائی 2025): ساہیوال میں تھانہ کسوال کے علاقے میں سنگین مقدمات میں ملوث اشتہاریوں کی ساتھیوں نے پولیس پر ڈنڈوں سے حملہ کردیا۔
تفصیلات کے مطابق ساہیوال تھانہ کسوال کے علاقے 13-اے ایل میں پولیس پر ڈنڈوں سے حملہ کردیا، حملہ آوروں نے اہلکاروں کی وردیاں پھاڑ دیں، سرکاری گاڑی کو بھی نقصان پہنچایا ہے۔
پولیس حکام کے مطابق پولیس ٹیم نے اشتہاری ملزمان کی گرفتاری کیلئے چک تیرہ-اے ایل میں ریڈ کیا تھا، پولیس نے سنگین مقدمات میں ملوث اشتہاریوں کو گرفتار کرلیا تھا۔
حکام کا کہنا ہے کہ ملزم نعیم اور ساتھیوں نے پولیس پر حملہ کرکے گرفتار ملزمان چھڑوا لیے، پولیس نے ملزمان کے خلاف مقدمہ درج کرکے کارروائی کا آغاز کر دیا ہے۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں