The news is by your side.

Advertisement

سیف علی خان کی بیٹی فلموں میں جلوہ گر ہونے کو تیار

ممبئی: بالی ووڈ کے چھوٹے نواب سیف علی خان کی بیٹی سارہ علی خان بھی فلموں میں جلوہ گر ہونے کو تیار ہیں اور ان کی پہلی فلم کی کچھ جھلکیاں جاری کردی گئی ہیں۔

سارہ علی خان ’کیدار ناتھ‘ نامی فلم سے اپنے فلمی کیرئیر کا آغاز کرنے جارہی ہیں جس میں ان کے مقابل سشانت سنگھ راجپوت مرکزی کردار ادا کریں گے۔

فلم ہمالیہ کے پہاڑوں میں شوٹ کی جارہی ہے جس میں سارہ علی خان ایک زائر کا کردار ادا کر رہی ہیں جبکہ سشانت سنگھ ان کے گائیڈ کے روپ میں نظر آرہے ہیں۔

مذہبی عقیدت پر مشتمل یہ سفر کس طرح محبت کے رنگ میں ڈھلتا ہے، یہی اس فلم کا موضوع ہے۔

فلم کی ٹیم کی جانب سے سارہ علی خان کی شوٹنگ کے دوران کی کچھ تصاویر جاری کی گئی ہیں جن میں وہ شلوار قمیض میں ملبوس گھوڑے پر سوار دکھائی دے رہی ہیں۔

فلم کیدار ناتھ ابھیشک کپور کی ہدایت کاری میں بنائی جارہی ہے جبکہ اس کی پروڈیوسر ایکتا کپور ہیں۔ فلم کو جون 2018 میں ریلیز کیے جانے کا امکان ہے۔

یاد رہے کہ سارہ علی خان سیف علی خان کی پہلی اہلیہ امریتا سنگھ کی بیٹی ہیں جن کے درمیان سنہ 2004 میں علیحدگی واقع ہوگئی تھی۔ امریتا سنگھ خود بھی نہایت مقبول اداکارہ تھیں اور ان کی بیٹی انہی کی طرح دکھائی دے رہی ہے۔

Omg my baby’s smile is sooo cute !! ❤️❤️#saraalikhan and that dress tho

A post shared by @saraaalikhan on

سیف علی خان نے بعد ازاں معروف اداکارہ کرینہ کپور سے شادی کرلی جس سے ان کا ایک بیٹا تیمور بھی ہے۔


اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

Print Friendly, PDF & Email

Comments

comments

یہ بھی پڑھیں