The news is by your side.

Advertisement

مسلم لیگ (ن) کراچی کے رہنماء کی پی ٹی آئی میں شمولیت

کراچی: پاکسستان مسلم لیگ (ن) کے رہنماء اور ضلع غربی کے حلقہ این اے 241 کے سابق امیدوار سیف الرحمان نے ساتھیوں سمیت  تحریک انصاف میں شمولیت اختیار کرلی۔

مسلم لیگ (ن) کے رہنما کی ساتھیوں سمیت پی ٹی آئی میں شمولیت کا اعلان انصاف ہاؤس میں‌ باضابطہ پریس کانفرنس میں کیا گیا اس موقع پر عمران اسماعیل سمیت دیگر رہنما بھی موجود تھے۔

مسلم لیگ (ن) کراچی کے رہنما سیف الرحمان کا کہنا تھا کہ عمران خان کے تبدیلی کے نعرے سے متاثر ہوکر پی ٹی آئی میں شمولیت کا ارداہ کیا کیوں کہ تحریک انصاف ملک میں حقیقی تبدیلی لانے کی مکمل صلاحیت رکھتی ہے۔

انہوں نے کہا کہ مسلم لیگ (ن) موروثی جماعت بن چکی ہے جو ملک کے مقدس اور معتبر اداروں سے ٹکراؤ کی پالیسی پر گامزن ہے جو کہ کسی بھی محب الوطن فرد کے لیے ناقابل قبول ہے۔

پاکستان تحریک انصاف کے رہنما عمران اسماعیل نے مسلم لیگ کارکنان اور رہنماؤں کوخوش آمدید کہتے ہوئے ان کی شمولیت کو کراچی کی سیاست میں تبدیلی سے گردانا، انہوں نے سیف الرحمان کو تحریک انصاف کا پرچم بھی پیش کیا۔

یا د رہے تحریک انصاف میں سمولیت اختیار کرنے والے سیف الرحمان ماضی میں مسلم لیگ (ن) کے ٹکٹ سے عام انتخابات میں حصہ لے چکے ہیں تاہم وہ کامیاب نہیں ہو سکے تھے۔

جوں جوں عام انتخابات کا وقت قریب آرہا ہے ملک بھر میں سیاسی سرگرمیوں میں تیزی سے اضافہ ہو رہا ہے اور سیاست دانوں کی اپنی سابقہ جماعتوں سے نئی جماعتوں میں شمولیت کا سلسلہ بھی عروج پر ہے جس سے گمان ہوتا ہے کہ آئندہ انتخابات میں امیدواروں کے درمیان بھرپور ٹاکرا ہوگا۔


خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہچانے کےلیے سوشل میڈیا پرشیئر کریں۔

Print Friendly, PDF & Email

Comments

comments

یہ بھی پڑھیں