پاکستان کے نوجوان اوپنر صائم ایوب جو انجری کے باعث چیمپئنز ٹرافی سے بھی باہر ہوگئے تھے اب ان کی صحت سے متعلق اہم خبر آ گئی ہے۔
پاکستان کے باصلاحیت نوجوان اوپنر صائم ایوب جو رواں سال کے آغاز میں دورہ جنوبی افریقہ میں کیپ ٹاؤن ٹیسٹ کے دوران ٹخنے کی انجری کا شکار ہونے کے بعد دو ماہ تک کرکٹ سے دور ہو گئے تھے اب ان کی صحت سے متعلق اپ ڈیٹ آ گئی ہے۔
لندن میں زیر علاج صائم ایوب کا ری ہیب جاری ہے جس میں وہ اپنے کرکٹ اسٹروکس کی پریکٹس کر رہے ہیں اور اب انہوں نے فزیکل ٹریننگ کا آغاز کر دیا ہے۔
واضح رہے کہ آسٹریلیا کو 22 سال بعد ان کی سر زمین پر ون ڈے سیریز ہرانے اور جنوبی افریقہ کو اسی کے ملک میں پہلی بار ون ڈے سیریز میں وائٹ واش کرنے میں صائم ایوب کی جارحانہ بیٹنگ کا اہم کردار تھا۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں