کشمیر کے بغیر پاکستان نامکمل ہے، حکومت آزادی کشمیر کاروڈ میپ کا اعلان کرے، سراج الحق
The news is by your side.

Advertisement

کشمیر کی آزادی کے بغیر پاکستان نامکمل ہے، سراج الحق

اسلام آباد : امیر جماعتِ اسلامی سراج الحق نے کہا ہے کہ کشمیرکی آزادی کے بغیر تحریک پاکستان اور قیام پاکستان کے مقاصد کا حصول نامکمل ہے۔

امیرِ جماعت اسلامی سراج الحق ایک اجتماع سے خطاب کرتے ہوئے کہا کہ کشمیر پاکستان کی شہہ رگ ہے اور شہہ رگ کے بغیر کوئی جسم زندہ نہیں رہ سکتا اس لیے کشمیر کی آزادی کے بغیر پاکستان نامکمل ہے۔

انہوں نے حکومت سے مطالبہ کیا کہ کشمیر کی آزادی کے لیے بین الاقوامی کانفرنس بلاکر حکومت کشمیر کی آزادی کے لیے روڈ میپ کا اعلان کرے تاکہ قیام پاکستان کے نامکمل ایجنڈے کو مکمل کیا جا سکے۔

امیر جماعتِ اسلامی نے حکومتِ پاکستان سے مطالبہ کیا ہے کہ ڈپٹی وزیراعظم کے عہدے کا اعلان کیا جائے اور یہ عہدہ کشمیر سے تعلق رکھنے والے شخص کو دیا جائے جو تحریکِ آزادی کشمیر کو ہر سطح پر اجاگر کر سکے۔

انہوں نے کہا کہ پاک چین اقتصادی راہداری منصوبہ نہایت اہمیت کا حامل ہے جس سے پاکستان ترقی کے نئے منازل طے کرے گا اور لوگوں کی کثیر تعداد کو ملازمتیں میئسر آ سکیں گئ یہی وجہ ہے کہ بھارت سی پیک کو ناکام بنانے کے لیے ناپاک منصوبہ بندی کررہا ہے۔

امیر جماعت اسلامی نے کہا کہ سیکولر لوگ باہر جاکر ہمیں تانے دیتے ہیں کہ پاکستان میں سہولیات کا فقدان اور دہشت گردی عروج پر ہے میں ایسے لوگوں کو کہتا ہوں کہ دشمن کی عینک سے اپنے مسائل کو نہیں دیکھیں۔

انہوں نے مزید کہا کہ یہ ملک سب کا ہے اور ہم سب نے مل کر اس کی تعمیر و ترقی کے لیے بہت کام کرنا ہے صرف شکوے شکایات کرنے سے کام نہیں بنے گا۔

Comments

comments

یہ بھی پڑھیں