The news is by your side.

Advertisement

معروف پاکستانی اداکارہ کی ’حجاب‘ میں تصویر وائرل

کراچی: شوبز انڈسٹری کی معروف اداکارہ سجل علی کی حجاب میں تصویر سوشل میڈیا پر وائرل ہوگئی۔

پاکستانی فلم اور ڈرامہ انڈسٹری کی معروف اداکارہ سجل علی نے انسٹا اسٹوری میں سیاہ عبایا پہنے ویڈیو شیئر کی جس میں انہوں نے چہرے کو مکمل ڈھاپنا ہوا ہے۔

سجل علی کی اس ویڈیو کے بیک گراؤنڈ میں گلوکار دانیال ظفر کا ’اُڑھ چلیے‘ گانا چل رہا جسے دیکھ کر اندازہ لگایا جاسکتا ہے کہ ممکنہ طور پر ویڈیو کسی شوٹنگ کے لیے بنائی گئی ہے۔

تاہم سجل علی کی حجاب میں تصویر دیکھ کر مداح الجھن کا شکار ہیں۔

عائشہ نامی صارف نے لکھا کہ ’کہیں اداکارہ رمضان ٹرانسمیشن تو نہیں کررہیں۔‘

ایک صارف نے اداکارہ کی ویڈیو پر لکھا کہ ’وہ مایوس ہوں گی اور یہی وجہ ہے جب انسان مایوس ہو تو مذہب اور روحانیت کی جانب رخ کرتا ہے۔‘

ایک تیسرے صارف نے لکھا کہ ’لگتا ہے توبہ کرلی ہے۔‘

واضح رہے کہ سجل علی اے آر وائی ڈیجیٹل کے میگا کاسٹ ڈرامہ سیریل ’صنف آہن‘ میں ایل سی رابعہ کا کردار نبھا رہی ہیں، ڈرامے کی دیگر کاسٹ میں کبریٰ خان، شہریار منور، میرب علی، عاصم اظہر، یمنیٰ زیدی، دنانیر مبین، رمشا خان، سائرہ یوسف، یہالی تاشیا ودیگر شامل ہیں۔

Comments

یہ بھی پڑھیں