معروف شخصیات مداحوں کے ساتھ رابطہ رکھنے کے لیے سماجی رابطے کی ویب سائٹس پر کافی متحرک نظر آتی ہیں جس کا مقصد مداحوں کے ساتھ وقتاً فوقتاً رابطہ رکھنا اور انہیں اپنے کام یا زندگی سے متعلق آگاہی دینا ہوتا ہے۔
سوشل میڈیا صارفین اور خصو صاً مداح تصاویر اور ویڈیوز کو ناصرف پسند کرتے ہیں بلکہ اپنی ہردل عزیز شخصیت کو نئے روپ میں دیکھ کر خوش بھی ہوتے ہیں۔
آج ہم بات کررہے ہیں معروف گلوکار سجاد علی کی جنہوں بارش کے دوران گانا گنگناتے ہوئے سوشل میڈیا ویب سائٹ ٹویٹر پر ویڈیو شیئر کردی۔
ویڈیو میں دیکھا جاسکتا ہے کہ سجاد علی بارش میں بھیگتے ہوئے گنگنانے میں مصروف ہیں برسات سے لطف اندوز ہورہے ہیں۔
گلوکار نے جو گانا گنگنایا اس کے بول کچھ یوں ہیں، ’بادل آتے ہیں لوٹ جاتے ہیں، تم آکر لوٹ نہ جانا، تم وفا نبھانا، تم وفا نبھانا۔‘
بادل آتے ہیں لوٹ جاتے ہیں 🌧 pic.twitter.com/oorGa64fY2
— Sajjad Ali (@sajjad_official) July 31, 2021
گلوکار نے ایک گھنٹے قبل ویڈیو شیئر کی جسے مداحوں کی بڑی تعداد کی جانب سے پسند کیا جارہا ہے اور اس پر تبصرے بھی کیے جارہے ہیں۔
ایک صارف نے لکھا کہ ’آپ کو دیکھ کر میرا بچپن یاد آجاتا ہے، مسئلہ یہ ہے کہ میں بوڑھا ہوگیا ہوں اور آپ اب بھی اتنے ہی ہیں، اللہ آپ کو ایسے ہی شادباد رکھے۔‘
ایک اور صارف نے سجاد علی کی گلوکاری کی تعریف کرتے ہوئے لکھا کہ ’آپ کی آواز میں مٹھاس ہے، اللہ آپ کو اپنے حفظ و امان میں رکھے۔ آمین۔‘
