پی ایس ایل 8 سے قبل بگٹی اسٹیڈیم میں 5 فروری کو کھیلے جانے والے نمائشی کرکٹ میچ کے لیے ٹکٹوں کی فروخت شروع ہو گئی۔
رپورٹ کے مطابق اس نمائشی میچ میں زیادہ سے زیادہ لوگوں کو اسٹیڈیم کی طرف راغب کرنے کے لیے ٹکٹوں کی قیمت 20 روپے رکھی گئی ہے۔
ٹکٹ کوئٹہ کے چار مختلف مقامات پر فروخت کے لیے رکھے گئے ہیں جن میں بگٹی اسٹیڈیم، بولان کرکٹ اسٹیڈیم، ماری آباد (گلزار ٹریولز) اور ائیرپورٹ روڈ پر المحمود مارٹ شامل ہیں۔
🗓Mark your calendars!
Enjoy the star-studded exhibition match between @PeshawarZalmi vs @TeamQuetta at Bugti Stadium Quetta on 5th February, 2023 🤩
Watch live on PTV Sports pic.twitter.com/8XnYPZQkmO
— PakistanSuperLeague (@thePSLt20) January 29, 2023
اس میچ میں قومی ٹیم کے کپتان بابر اعظم پشاور زلمی کی قیادت کریں گے ان کی ٹیم میں شاہد آفریدی، وہاب ریاض، محمد حارث، دانش عزیز اور صائم ایوب شامل ہیں۔ جبکہ سابق کپتان سرفراز احمد کوئٹہ گلیڈی ایٹر کی قیادت کریں گے ان کی ٹیم میں افتخار احمد، محمد نواز، نسیم شاہ اور عمر اکمل شامل ہیں۔
واضح رہے کہ یہ نمائشی میچ بگٹی اسٹیڈیم میں 5 فروری کو صبح 8 بجے شروع ہوگا۔