The news is by your side.

Advertisement

مقبوضہ کشمیر  پاکستان اور بھارت کے مابین بنیادی مسئلہ ہے: سلیم مانڈوی والا

لندن: ڈپٹی چیئرمین سینیٹ، سلیم مانڈوی والا نے کہا ہے کہ مقبوضہ کشمیر  پاکستان اور بھارت کے مابین بنیادی مسئلہ ہے۔

ان خیالات کا اظہار انھوں نے برطانیہ میں اوورسیز پاکستانیوں اور سرمایہ کاروں سے خطاب کرتے ہوئے کیا.

ان کا کہنا تھا کہ اوورسیز پاکستانی مسئلہ کشمیر کو ہر فورم پر اجاگر کریں، مسئلہ کشمیر کو تمام بین الااقوامی سیمینارز اور کانفرنسز میں اٹھایا جائے.

سلیم مانڈوی والا کا کہنا تھا کہ اراکین پارلیمنٹ کشمیریوں کی آواز کو دنیا بھر میں پہنچائیں، اراکین پارلیمنٹ کی ذمہ داری ہے کہ وہ بین الاقوامی فورمز پر کشمیر کاز کو اجاگر کریں،  مقبوضہ کشمیر  پاکستان اور بھارت کے مابین بنیادی مسئلہ ہے.

مزید پڑھیں: مقبوضہ کشمیرکی تشویشناک صورتحال وزیراعظم کی ترجیح ، قوم سے خطاب مؤخر ہونے کا امکان

پارلیمنٹ نے مسئلہ کشمیر پر مشترکہ قرار داد منظور کی ہے، ماضی میں مسئلہ کشمیر کو بین الاقوامی فورمز پر نہیں اٹھایا گیا، مسلم ممالک نے کشمیر کے لیے موثر آواز بلند نہیں کی، کوئی قرار داد منظور نہیں کی گئی.

خیال رہے کہ بھارت نے غیر قانونی اقدام کرتے ہوئے کشمیر کی خصوصی اہمیت ختم کر دی ہے، آرٹیکل 370 کے خاتمے کو مقبوضہ کشمیر کے عوام نے رد کر دیا. ہزاروں افراد سڑکوں‌ پر نکل آئے.

گزشتہ تیرہ روز سے مقبوضہ کشمیر میں کرفیو نافذ ہے، جس کی وجہ سے روز مرہ سرگرمیاں معطل ہوگئی ہیں.

Comments

comments

یہ بھی پڑھیں