ایک اور کرپٹ شخص کو پی آئی اے کا سربراہ لگایا جارہا ہے، پی پی saleem mandvi
The news is by your side.

Advertisement

ایک اور کرپٹ شخص کو پی آئی اے کا سربراہ لگایا جارہا ہے، پی پی

کراچی: پیپلز پارٹی کے سینیٹر سلیم مانڈوی والا نے کہا ہے کہ حکومت کرپٹ شخص کوپی آئی اے کا سربراہ تعینات کررہی ہے، روکا جائے۔

اپنے بیان میں سلیم مانڈوی والا نے کہا ہے کہ حکومت اداروں میں کرپٹ افراد کو تعینات کررہی ہے،جرمن سی ای او کے بعد بلال منیر شیخ کو یہ عہدہ دیا جارہا ہے حالاں کہ بلال منیر شیخ کو کرپشن کے چارجز پر نجی کمپنی سے نکالا گیا تھا۔

انہوں نے کہا کہ پی آئی اے کا ماہانہ خسارہ ساڑھے 5 ارب سے تجاوز کرگیا ہے،پی آئی اے کا مجموعی نقصان 300 ارب سے زیادہ ہوچکا ہے،پیپلز پارٹی اداروں میں کرپٹ افسران کی تعیناتی پر احتجاج کرے گی۔

واضح رہے کہ پی آئی اے کی ائیر بس 310 طیارے کی جرمن میوزیم کو مبینہ فروخت میں ملوث سابق قائم مقام سی ای او برینڈ ہلڈن برنڈ کو عہدے سے معطل کردیا گیا تھا۔

بعدازاں جرمن 6 مئی کو شہری ہلڈن برنڈ کو ایک بار ملک سے باہر جانے کی اجازت دی گئی، ہلڈن برنڈ روانگی کی تاریخ سے 30 روز تک اپنے آبائی وطن میں رہ سکتے ہیں۔


پی آئی اے سابق سی ای او کو ایک بار بیرون ملک جانے کی اجازت


اب ان کی جگہ بلال منیر شیخ کو نیا سی ای او تعینات کرنے کی اطلاعات گردش کررہی ہیں جس پر پیپلز پارٹی نے اپنا رد عمل ظاہر کیا ہے۔

Comments

comments

یہ بھی پڑھیں