site
stats
سندھ

منقسم مہاجرمینڈیٹ کو یکجا کریں گے، سلیم شہزاد و سلیم حیدر

کراچی : ایم کیو ایم کے سابق رہنما سلیم شہزاد نے کہا ہے کہ فاروق ستار، مصطفی کمال اور آفاق احمد ایک ہوجائیں ورنہ مہاجروں کا مینڈیٹ تقسیم ہو جائے گا.

وہ کرا چی پریس کلب میں مہاجر اتحاد تحریک کے چئیر مین سلیم حیدر کے ہمراہ پریس کانفرنس کر رہے تھے انہوں نے کہا کہ ایم کیوایم اور پی ایس پی ایک دوسرے کی وکٹیں گرانے کا سلسلہ ختم کریں کہیں ایسا نہ ہو کہ ان کی اپنی وکٹ ہی گرجائے.

سلیم شہزاد نے کہا کہ وہ علیحدہ جماعت بنانے کے بجائے تینوں مہاجر دھڑوں کو ایک کرنے کی کوشش کریں گے جس کے لیے اگر میری خدمات چا ہیے تو میں حاضر ہو لہذا میں علیحدہ جماعت بنا کر مہاجروں کے مینڈیٹ کومزید تقسیم کرنے کے بجائے اتحاد بین المہاجرین جماعت کو ترجیح دوں گا.

اس موقع پر سلیم شہزاد نے مطالبہ کیا کہ چائنا کٹنگ کے خالق، اس سے فائدہ ہ اٹھانے والے، سانحہ بلدیہ، سانحہ بارہ۔مئی اور سانحہ ستائیس دسمبر کے ذمہ داروں کے خلاف غیر جانبدارانہ تحقیقات کرائی جائیں اور مظلوموں کو انصاف دلایا جائے.

انہوں نے کہا کہ جو اختیارات کا رونا رو رہے ہیں ان کو کہتا ہوں کہ کچرہ اٹھا کر دیکھا سکتا ہو اس کے لیے اختیار سے زیادہ زاتی دلچسپی اور کچھ کر گذرنے کا عزم ہونا چاہیئے.

مہاجر اتحاد تحریک کے چئیر مین سلیم حیدر نے بھی پریس کانفرنس سے خطاب کیا اس موقع پر انہوں نے اعلان کیا کہ چلہم امام حسین کے بعد کراچی میں مہاجر الائنس کے اتحاد کیلئے گرینڈ مہاجر کنونشن بلوایا جاے گا جس میں تمام مہاجر تنظیموں کو مدعو کیا جائے گا جس کا مقصد منقسم مینڈیٹ کو ایک کرنا ہے.


اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top