site
stats
پاکستان

سلیم شہزاد کی اپیل پر عمران خان نے ان کے علاج کی ہامی بھرلی

اسلام آباد : متحدہ قومی موومنٹ (ایم کیو ایم) کے سابق رہنما سلیم شہزاد نے عمران خان سے اپنے علاج کے لئے مدد کی اپیل کی ہے، عمران خان بھی سلیم شہزاد کے علاج میں مدد کے لئے تیار ہوگئے۔

تفصیلات کے مطابق سابق ایم کیو ایم رہنما سلیم شہزاد جو ان دنوں جیل میں ہیں اور کینسر کے موذی مرض میں مبتلا ہیں، انہوں نے پی ٹی آئی کے چیئرمین عمران خان سے اپنے علاج کیلئے مدد کی اپیل کی ہے۔

ان کا کہنا تھا کہ میں گردوں اور جگر کے مرض میں مبتلا ہوں جبکہ جیل میں رہنے سے کینسر کا مرض بھی لاحق ہو چکا ہے، انہوں نے کہا کہ عمران خان سیاسی اختلافات سے بالا تر ہوکر میرے علاج کیلئے ہدایات جاری کریں۔

مزید پڑھیں : ایم کیوایم رہنما سلیم شہزاد کراچی ایئرپورٹ سے گرفتار

اس اپیل کا نوٹس لیتے ہوئے چیئرمین پی ٹی آئی عمران خان نے پارٹی رہنماؤں کو سلیم شہزاد سے ملاقات کی ہدایت دے دیں ہیں، اس سلسلے میں کراچی کے رہنما علی زیدی اور عمران اسماعیل کل کراچی سینٹرل جیل میں سلیم شہزاد سے ملاقات کریں گے۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top