The news is by your side.

Advertisement

سیلزٹیکس میں اضافہ ،سی این جی اسٹیشنز کا ہڑتال کا اعلان

کراچی: آل پاکستان سی این جی ایسوسی ایشن نے زائد ٹیکس کے خلاف تیس نومبرسے ملک بھر میں سی این جی اسٹیٹشنز بند رکھنے کا اعلان کیا ہے.

ایف بی آر کی جانب سے چار ارب روپے ٹیکس جمع کروانے کے نوٹس پر سی این جی سیکٹر سراپا احتجاج ہے، آل پاکستان سی این جی ایسوسی ایشن سندھ زون کے چیئرمین شبیر سلیمان جی کا کہنا ہے کہ ایف بی آر کی جانب سے سیلز ٹیکس کی شرح سترہ سے بڑھا کر چونتیس فیصد کرنا ناقابل برداشت ہے، ظالمانہ اقدام کے خلاف تیس نومبر سے صوبے بھر میں ہڑتال کی جائے گی.

ایف بی آر کے مطابق یہ ٹیکس گزشتہ ایک سال سے ادا نہیں کیا گیا ہے، ٹیکس گیس کی ریٹیل قیمت پر وصول کیا جارہا، جس کے باعث اس کی شرح میں اضافہ ہوا ہے ۔

سی این جی ایسوسی ایشن کا کہنا تھا کہ سیلز ٹیکس میں اضافے کے خلاف سپریم کورٹ سے رجوع کیا جائے گا جبکہ صدر، وزیراعظم اور وزیرِ خزانہ سے ایف بی آر کے فیصلے پر نظرثانی کی درخواست ہے.

Print Friendly, PDF & Email

Comments

comments

یہ بھی پڑھیں