The news is by your side.

Advertisement

سلیم ملک کیس کی سماعت مکمل، فیصلہ محفوظ

لاہور: سابق کپتان قومی کرکٹ ٹیم سلیم ملک کے کیس کی سماعت مکمل ہونے کے بعد کیس کا فیصلہ محفوظ کرلیا گیا۔

تفصیلات کے مطابق سابق کپتان قومی کرکٹ ٹیم سلیم ملک کے کیس کی سماعت مکمل کرلی گئی، کیس کا محفوظ فیصلہ 15 روز کے اندر سنایا جائے گا۔

سلیم ملک کیس کا فیصلہ جسٹس (ر) فضل میراں چوہان نے محفوظ کیا۔

وکیل سلیم ملک کا کہنا تھا کہ آج پہلی مرتبہ آئی سی سی کا ٹرانس کرپٹ کے حوالے سے لیٹر سامنے آیا، آئی سی سی نے لیٹر میں کہا ہے کہ ٹیپ مصدقہ نہیں ہے۔

سلیم ملک نے میڈیا سے گفتگو کرتے ہوئے کہا کہ شروع سے ہی موقف ہے کہ وہ ویڈیو مشکوک ہے، شروع ہی سے کہتا تھا کہ یہ ٹرانس کرپٹ جھوٹ پر مبنی ہے، آئی سی سی کا لیٹر سامنے آنے کے بعد میرا موقف درست ثابت ہوگیا۔

یاد رہے کہ سلیم ملک نے پابندی کے خاتمے سے متعلق آئی سی سی ٹرانسکرپٹ کا دوسرا جواب 18 اگست کو پی سی بی میں جمع کرایا تھا۔

سلیم ملک نے پی سی بی میں جواب جمع کروانے کے بعد میڈیا سے گفتگو میں اپنے خلاف موجود تمام دستاویزات کو جھوٹ کا پلندہ قرار دیتے ہوئے الزام لگایا تھا کہ آئی سی سی کا معاملہ پی سی بی نے خود بنایا ہوا ہے۔ ان کا مؤقف تھا کہ اگر کوئی مسئلہ ہوتا تو آئی سی سی کی جانب سے انھیں بھی خط لکھا جاتا۔

سلیم ملک کا کہنا ہے کہ انھیں 2 سو صفحات پر مشتمل نوٹس دیا گیا تھا، تاہم بورڈ نے اب تک انھیں کوئی ثبوت فراہم نہیں کیا۔

Comments

یہ بھی پڑھیں