پاکستان ٹی 20 ٹیم کے کپتان سلمان علی آغا کا کہنا ہے کہ مجھے نہیں پسند کوئی مرضی کے نمبر پر بیٹنگ کا کہے۔
پی سی بی پوڈ کاسٹ میں گفتگو کرتے ہوئے کپتان سلمان آغا نے کہا کہ پاکستان میں انٹینٹ کا مطلب ہی غلط سمجھا جاتا ہے، انٹینٹ سے مراد صورت حال کے مطابق کھیلنا ہے۔
انہوں نے کہا کہ ٹیم کی ضرورت کے مطابق کسی بھی پوزیشن پر بیٹنگ کرنے کو ترجیح دیتا ہوں جس سے کھلاڑی کا ٹیم کے لیے وقف ہونے کا پتا چلتا ہے۔
ٹی 20 کپتان نے کہا کہ کچ مائیک ہیسن کی کوچنگ میں تیم درست سمت میں گامزن ہے، صاحبزادہ فرحان ڈاٹ بال پر کام کررہے ہیں۔
چند روز قبل سلمان علی آغا کا کہنا تھا کہ خواہش ہے کہ پریس کانفرنس کرنے آؤں تو بابر اعظم کے بارے میں سوال نہ ہو۔
ان کا کہنا تھا کہ مطلب اور بھی کھلاڑی ہیں ان کے بارے میں سوچیں اور سوال کریں، چھوڑ دیں بابر کا پیچھا اسے بیٹنگ کرنے دیں۔
انہوں نے کہا تھا کہ اگر آسٹریلیا کے مین پلیئر نہیں ہیں تو کوئی فرق نہیں پڑتا، ہمارے لیے موقع ہے کہ ہم آسٹریلیا کے خلاف سیریز جیتیں۔
سلمان آغا کا کہنا تھا کہ ٹی ٹوئنٹی میں کوئی ٹیم چھوٹی بڑی نہیں ہوتی، آپ اپنی مرضی کے مطابق کسی نمبر پر نہیں کھیل سکتے۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں