تازہ ترین

گلوکار سلمان احمد نے عمران خان کی حمایت ترک کردی

لاہور: معروف گلوکار سلمان احمد نے پاکستان تحریک انصاف کے چیئرمین عمران خان کا ساتھ چھوڑنے کا اعلان کردیا۔ وہ گزشتہ 35 سال سے پارٹی کی حمایت کر رہے تھے۔

تفصیلات کے مطابق سماجی رابطے کی ویب سائٹ ٹویٹر پر اپنے ٹویٹ میں سلمان احمد کا کہنا تھا کہ گزشتہ 35 سال سے پاکستان تحریک انصاف کے چیئرمین عمران خان کی حمایت اور دفاع کرنے کے بعد اب وہ مزید یہ کام نہیں کرسکتے۔

اپنے ٹویٹ میں انہوں نے مزید کہا کہ مجھے خوف ہے کہ عمران خان کو جانور نہ گھیر لیں۔

یاد رہے کہ سلمان احمد 80 اور 90 کی دہائی میں وائٹل سائنز اور جنون بینڈ کا حصہ تھے۔ بینڈ سے علیحدہ ہوجانے کے بعد وہ انفرادی طور پر گانے گا رہے تھے۔

گزشتہ کئی سالوں سے وہ سماجی خدمات میں بھی مصروف تھے اور خاص طور پر انسداد پولیو کے لیے بہت کام کر رہے تھے۔


خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔

Comments

- Advertisement -