سلمان اکرم راجہ نے سیکریٹری جنرل پی ٹی آئی کے عہدے سے علیحدگی کا فیصلہ کرلیا۔
سماجی رابطے کی ویب سائٹ ایکس پر سلمان اکرم راجہ نے لکھا کہ کل بانی پی ٹی آئی سے عہدے سے علیحدگی کی گزارش کروں گا، پارٹی کے لیے وکالتی خدمات بلامعاوضہ جاری رکھوں گا۔
انہوں نے کہا کہ علی بخاری کے ذریعے بانی سے سیکریٹری جنرل کے عہدے سے دستبردار ہونے کی درخواست کی تھی، لیکن میری درخواست منظور نہ کی گئی جس پر ان کے اعتماد پر شکر گزار ہوں۔
سلمان اکرم نے کہا کہ آج ایسا واقعہ ہوا جو اب مجھ سے دوٹوک فیصلے کا تقاضا کرتا ہے، میری زندگی کھلی کتاب ہے، میرا کوئی عمل کسی اصول سے متصادم نہیں۔
انہوں نے کہا کہ فکری و معاشی دیانت پر سمجھوتہ مجھے قبول نہیں، کل بانی سے گزارش کرکے عہدے سے علیحدہ ہوجاؤں گا۔
عبدالقادر پچھلے 8برس سے اے آر وائی نیوز میں بطور سینئر رپورٹر خدمات انجام دے رہے ہیں، آپ وزیراعظم عمران خان اور حکمراں جماعت پاکستان تحریک انصاف سے جڑی خبروں اور سیاسی معاملات پر گہری نظر رکھتے ہیں۔
