The news is by your side.

’بیٹنگ کے دوران رضوان سے کافی مدد ملی‘

قومی ٹیم کے نوجوان بیٹر سلمان علی آغا کا کہنا ہے کہ بیٹنگ کے دوران محمد رضوان نے کافی مدد کی۔

اے آر وائی نیوز سے گفتگو کرتے ہوئے قومی ٹیم کے کھلاڑی سلمان علی آغا نے کہا کہ یہاں کی وکٹ سلو تھی کوشش یہی تھی کہ مثبت سوچ سے جاؤں اور اچھا کھیل پیش کروں جس میں کامیابی ملی۔

انہوں نے کہا کہ پاکستان سے کھیلنا کسی بھی کرکٹر کا خواب ہوتا ہے جب بھی کھیلتے تو کوشش یہی ہوتی تو اپنا بہترین کھیل پیش کریں جو آج میں نے کیا۔

سلمان علی آغا نے کہا کہ محمد رضوان کے ساتھ کھیلتے ہوئے بہت فائدہ ملا وہ سینئر کھلاڑی ہیں ان سے کافی مدد ملتی ہے۔

پاکستان نے نیدرلینڈز کے خلاف سیریز جیت لی

نوجوان بلے باز کا کہنا تھا کہ کوشش یہی ہوگی کہ جس طرح آج کھیلا ہوں ویسے ہی اگلے میچ میں کھیلوں۔

ایک سوال کے جواب میں سلمان علی آغا کا کہنا تھا کہ انٹرنیشنل کرکٹ کا پریشر تو ہوتا ہے، پریشر کو ہینڈل کرکے بہتر کھیل پیش کرنے کی کوشش کی۔

انہوں نے شائقینِ کرکٹ کا بہت شکریہ ادا کیا اور کہا کہ جو دور دور سے پاکستان کو سپورٹ کرنے یہاں آئے ان کے شکر گزار ہیں اسی طرح تیسرے ون ڈے میں بھی ٹیم کو سپورٹ کرنے میدان میں آئیں۔

Comments

یہ بھی پڑھیں