پاکستانی ڈراموں کی سینئر اداکارہ صبا فیصل کے بیٹے سلمان فیصل نے لاتعلقی کے اعلان پر خاموشی توڑ دی۔
گزشتہ روز صبا فیصل نے انسٹا گرام پر پوسٹ ویڈیو میں بیٹے سلمان اور بہو نیہا سے تعلق ختم کرنے کا باضابطہ اعلان کیا تھا۔
صبا فیصل کا کہنا تھا کہ میں نے بہت خوبصورت زندگی گزاری لیکن نیہا جیسی منفی عورت اگر کسی کی بہو بن کر آ جائے تو گھر بستے نہیں ٹوٹ جاتے ہیں۔
ان کا کہنا تھا کہ گزشتہ چار سال سے بیٹے کی وجہ سے مشکل زندگی گزارنے پر مجبور ہوں، سوچتی ہوں کہ بیٹا ایسی عورت کے ساتھ کیسے زندگی گزارے گا؟
View this post on Instagram
سینئر اداکارہ کی ویڈیو کے بعد سوشل میڈیا صارفین نے ان کے بیٹے اور بہو پر شدید تنقید کی جس پر اب سلمان فیصل نے خاموشی توڑ دی۔
سلمان فیصل نے اپنی دو انسٹا گرام پوسٹوں میں لکھا: ’امی بھی میری ہیں اور نیہا بھی میری بیوی ہے۔ تھوڑا سوچ سمجھ کر بولیں کیوں کہ اس سے بہت تکلیف ہوتی ہے۔‘
View this post on Instagram
انہوں نے لکھا: ’بس اب بہت ہوگیا۔ اپنی زبان اور نفرت انگیز خیالات اپنے پاس رکھیں۔ نیہا میری بیوی اور میرے بیٹے کی ماں ہے۔ آپ سب کو اس حقیقت کا احترام کرنا چاہیے۔‘
View this post on Instagram
یاد رہے کہ چند ماہ قبل سوشل میڈیا پر سلمان فیصل اور نیہا میں علیحدگی کی خبریں گردش کرنے لگی تھیں جس کی بعد میں تردید کی گئی تھی۔
