site
stats
پاکستان

سلمان اقبال پر بے بنیاد مقدمہ، اسلام آباد ہائیکورٹ کا جنگ گروپ کو نوٹس

اسلام آباد: اے آر وائی ڈیجیٹل نیٹ ورک کے صدر اور سی ای او سلمان اقبال پر جیو گروپ کے جھوٹا مقدمہ درج کروانے پر اسلام آباد ہائیکورٹ نے درخواست پر جنگ گروپ کو نوٹس جاری کردیا۔

اے آر وائی ڈیجیٹل نیٹ ورک کے صدر اور سی ای او سلمان اقبال پر بے بنیاد مقدمہ کے خلاف درخواست کی سماعت اسلام آباد ہائیکورٹ کے جسٹس اطہر من اللہ نے کی۔ درخواست گزار کی جانب سے مؤقف اختیار کیا گیا کہ سلمان اقبال پر جیو گروپ نے من گھڑت مقدمہ درج کروایا۔

درخواست گزار کے مطابق مقدمہ کی وجہ کاروباری حسد ہے۔ سلمان اقبال کے خلاف کوئی دستاویزی شہادت نہیں جبکہ کسی گواہ نے بھی سلمان اقبال کے خلاف بیان میں کوئی ذکر نہیں کیا۔ ہائیکورٹ کو بتایا گیا کہ عدالتی نوٹس کے باوجود گواہ اور رپورٹ پیش نہیں کی گئی۔

برطانیہ میں سلمان اقبال کی گراں قدر خدمات کا اعتراف *

فاضل عدالت نے دلائل سننے کے بعد جیو نیوز اور جنگ گروپ کو پھر نوٹس جاری کرتے ہوئے جواب طلب کرلیا اور سماعت غیر معینہ مدت کے لیے ملتوی کردی۔

واضح رہے کہ جنگ گروپ نے ماتحت عدالت میں دائر کردہ درخواست میں مؤقف اختیار کیا تھا کہ اے آر وائی نیوز ان کے خلاف اپنے ٹی وی پروگراموں میں ہتک آمیز مواد چلا رہا ہے۔

ہائیکورٹ نے اس سے قبل اے آر وائی نیوز کے سی ای او سلمان اقبال کی درخواست منظور کرتے ہوئے ماتحت عدالت کو ان کے خلاف کارروائی سے روک دیا تھا۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top