ممبئی: بالی ووڈ کے دبنگ سپر اسٹار اور دوستوں کے دوست سلمان خان نے اپنی ساتھی مسلمان اداکارہ ہما قریشی کو رمضان المبارک کا تحفہ بھیجا ہے جس پر ہما قریشی خوشی سے نہال ہو گئیں۔
سخت جاں سلمان خان نرم دل رکھنے والے دبنگ اسٹار ہیں، یہی وجہ ہے کہ کسی دکھ یا خوشی میں وہ اپنے دوستوں کو نہیں بھولتے۔ تحفے تحائف دینے میں کشادہ دلی کا مظاہرہ کرنے والے سلو بھائی کی فراغ دلی سے مستفید ہونے والوں میں قرعہ فال ادکارہ ہما قریشی کے نام نکلا۔
اداکار سلمان خان نے ساتھی اداکارہ کو رمضان کی مبارکباد دیتے ہوئے اُن کے گھر تحائف بھیجوادیے، تحائف کو دیکھ کر ہما قریشی خوشی پھولے نہیں سما رہی ہیں، انہوں نے اپنی ٹیوٹ میں سلمان خان کے انسان محبت انداز کو سراہا۔
Ramazan is coming !! But I got my Eidi jaldi #BeingHuman Thankooo @BeingSalmanKhan pic.twitter.com/gvuExopzuI
— Huma Qureshi (@humasqureshi) June 2, 2016
اداکارہ ہما قریشی نے کہا کہ رمضان المبارک کا آغاز ہو چکا ہے،عید کی تیاریاں عروج پر ہیں،عمومی طور لوگوں کو عید کے تحائف عید کے روز ملتے ہیں لیکن میری عیدی تو ابھی سے آگئی ہے،جس پر میں سلمان خان کی شکر گزار ہوں۔
