ممبئی: بالی ووڈ سپر اسٹارسلمان خان نے شادی کا اعلان کردیا -
The news is by your side.

Advertisement

ممبئی: بالی ووڈ سپر اسٹارسلمان خان نے شادی کا اعلان کردیا

ممبئی : بالی ووڈ کے سلطان سلمان خان نے بالآخر اپنے مداحوں کو خوشخبری سنادی اور اعلان کیاہے کہ وہ 18نومبر کو شادی کریں گے.

تفصیلات کے مطابق لاکھوں دلوں پر راج کرنے والے دبنگ خان کی شادی کی افواہیں میڈیامیں گردش کرتی رہتی ہیں اور ہر کوئی جاننا چاہتا ہے کہ بالی ووڈ اسٹار کب شادی کریں گے،بالآخرسلمان خان نے اپنے مداحوں کو خوشخبری سنادی کہ وہ 18نومبرکو شادی کریں گے .

ٹینس اسٹار ثانیہ مرزا کی زندگی پر لکھی گئی کتاب کی رونمائی کی تقریب کے موقع پر صحافیوں نے جب ان سے شادی سے متعلق سوال کیا تو ان کا کہنا تھا کہ 18 نومبر کو وہ سہرا سجائیں گے.

صحافیوں نے سلوں میاں سے 18 نومبر کی وضاحت چاہی تو ان کا کہنا تھا کہ گزشتہ 20 سال 25 سالوں سے 18 نومبر کی تاریخ رکھی ہوئی ہے لیکن شادی ہوگی اور ضرور ہوگی اور 18 نومبر کو ہی ہوگی.

خواتین کی طرف سے ابھی تک کنوارے ہونے کی شکایت کے سوال کے جواب میں سلمان خان نے کہاکہ آپ کو نہیں پتہ،کتنا پریشر ہے،میں اپنے بہن بھائیوں سے متعلق بات کررہاہوں جو چاہتے ہیں کہ شادی کرلوں.

یاد رہے کہ سلمان خان کے باپ سلیم خان اور والدہ سلمہ کی شادی بھی اسی تاریخ کوہوئی تھی جبکہ دوسال قبل سلمان خان کی بہن ارپیتا خان کی شادی بھی 18نومبرکو ہی طے پائی تھی.

Comments

comments

یہ بھی پڑھیں