The news is by your side.

’اب دیکھو بڑے پردے پر‘ سلمان خان کا ’دبنگ‘ اعلان

ممبئی: بالی ووڈ کے سلطان سلمان خان نے نئی آنے والی فلم ’کسی کا بھائی کسی کی جان‘ کے ٹیزر کی تاریخ‌ کا اعلان کردیا۔

سماجی رابطے کی ویب سائٹ ٹوئٹر پر دبنگ اداکار سلمان خان نے فلم کے کردار کی کی تصویر شیئر کی اور لکھا کہ ’کسی کا بھائی کسی کی جان‘ کا ٹیزر اب دیکھو بڑے پردے پر 25 جنوری کے دن۔‘

انہوں نے فلم کے مرکزی کرداروں پوجا ہیگڑے، شہناز گل، فرہاد سمجی ودیگر کو پوسٹ میں مخاطب بھی کیا۔

فلم میں سلمان خان کو نئے اوتار میں دیکھا جاسکتا ہے، تصویر دیکھ کر اندازہ لگایا جاسکتا ہے کہ فلم ایکشن سے بھرپور ہوگی۔

 

View this post on Instagram

 

A post shared by Salman Khan (@beingsalmankhan)

واضح رہے کہ دبنگ اداکار کی فلم میں وینکٹیش، پوجا ہیگڑے، شہناز گل، پلک تیواری، باکسر وجیندرا سنگھ شامل ہیں جبکہ فلم کو عید الفطر کے روز ریلیز کیے جانے کا امکان ہے۔

 

View this post on Instagram

 

A post shared by Salman Khan (@beingsalmankhan)

کنگ خان کی ایکشن سے بھرپور فلم ’پٹھان‘ میں سلمان خان کی انٹری بطور مہمان اداکار متوقع ہے۔

سلمان خان کی آنے والی فلموں میں ٹائیگر تھری، دبنگ تھری، شامل ہیں جبکہ ٹائیگر تھری میں کترینا کیف مرکزی کردار ادا کریں گی اداکار عمران ہاشمی بھی منفی کردار میں دکھائی دیں گے۔

Comments

یہ بھی پڑھیں