The news is by your side.

سلمان خان کی نئی فلم کی پہلی جھلک منظرعام پر آگئی

بالی ووڈ کے دبنگ اداکار سلمان خان نے اپنی نئی آنے والی فلم "کسی کا بھائی کسی کی جان ” کی پہلی جھلک شیئر کردی۔

سلمان خان کی نئی فلم "کسی کا بھائی کسی کی جان” کی ہدایت کاری کے فرائض فرحاد سمجی انجام دے رہے ہیں جبکہ اس کے پروڈیوسر خود سلمان خان ہیں۔

فلم کی کاسٹ میں سلمان خان، پوجا ہیج اور شہناز گل اداکاری کے جوہر دکھائیں گی جبکہ ایکشن اور کامیڈی سے بھرپور فلم رواں سال 30 ستمبر کو بڑے پردے کی زینت بنے گی۔

ٹیزر میں دیکھا جاسکتا ہے کہ سلمان خان صحرا میں موٹر سائیکل چلا رہے ہیں اور پھر وہ اسی مقام پر ایکشن دکھاتے دکھائی دے رہے ہیں۔

بھارتی میڈیا کے مطابق فلم کا نام پہلے "کبھی عید کبھی دیوالی” رکھا گیا تھا لیکن بعد میں اس کا نام کبھی عید کبھی دیوالی رکھا گیا۔

تاہم اب سلمان خان کی جانب سے شیئر کردہ ٹیزر میں اس کا نام "کسی کا بھائی کسی کی جان” دکھایا گیا ہے جس سے ظاہر ہوتا ہے کہ فلم اب اسی ٹائٹل کے ساتھ ریلیز ہوگی۔

Comments

یہ بھی پڑھیں