بالی ووڈ اداکار سلمان خان کی اچانک پاکستان آمد؟ ویڈیو وائرل
The news is by your side.

Advertisement

بالی ووڈ اداکار سلمان خان کی اچانک پاکستان آمد؟ ویڈیو وائرل

کراچی: بالی ووڈ اداکار سلمان خان کی کراچی آمد کی ویڈیو سوشل میڈیا پر وائرل ہوگئی، مداح دبنگ خان کو کراچی کی مشہور بولٹن مارکیٹ میں دیکھ کر حیران رہ گئے۔

سوشل میڈیا پر مشہور ہونے والی ویڈیو کراچی کی مشہور بولٹن مارکیٹ کی ہے جس میں سلمان خان کے حیرت انگیز طور پر بائیک سیدھی کرتے ہوئے نظر آرہے ہیں لیکن دبنگ خان نہیں ہیں بلکہ ان کا کوئی ہم شکل ہے۔

ویڈیو میں دیکھا جاسکتا ہے کہ بالی ووڈ کے سلطان کے ہم شکل نے بالکل سلمان خان کی طرح ڈریسنگ کی ہوئی ہے ان کی جسامت اور ہیئر اسٹائل بھی سلو میاں کی طرح کا ہے۔

واضح رہے کہ ویڈیو میں موجود یہ شخص کون ہے اس کے بارے میں تفصیلات منظر عام پر نہیں آسکی ہیں، تاہم وہاں موجود لوگ سلمان خان کے ہم شکل کو دبنگ خان ہی سمجھ بیٹھے۔

سال 2019 میں سلمان خان فلم بھارت کی شوٹنگ میں مصروف ہیں، فلم کی کاسٹ میں کترینہ کیف، تبو، جیکی شروف، سنیل گروور، دیشا پتانی اور نورا فتحی شامل ہیں۔ فلم کے ہدایت کار علی عباس ظفر ہیں۔ فلم آئندہ سال عید پر نمائش کے لئے پیش کی جائے گی۔

مزید پڑھیں: پاکستان میں بالی ووڈ کنگ خان کا ہم شکل

یاد رہے کہ دو سال قبل شاہ رخ خان کے پاکستانی ہم شکل کی تصاویر وائرل ہوئی تھیں جسے دیکھ کر یہ پہچاننا مشکل ہوگیا تھا کہ یہ شاہ رخ خان ہیں یا کوئی اور ہے۔

شاہ رخ خان کا پاکستانی ہم شکل 22 سالہ نوجوان ہے اور یہ وادی کشمیر کے دارالحکومت سرینگرکے رہائشی ہیں ۔

Comments

comments

یہ بھی پڑھیں