site
stats
کھیل

سلمان خان کو ریو اولمپکس کے لئے بھارتی سفیر نامزد کردیا گیا

نئی دلی : سلمان خان ریو اولمپکس 2016 کے لئے بھارتی‌ اولمپک‌ ایسوی‌‌ ایشن‌‌ کی جانب‌ سے‌ بھارتی‌ سفیر نامزد‌ کردیا گیا.

تفصیلات کے مطابق بالی ووڈ سَپر اسٹار سلمان خان کو بھارتی اولمپکس ایسوی‌‌ ایشن‌‌ کی جانب سے ریو اولمپکس 2016 کے لئے بھارتی سفیر نامزد کیا‌ گیا‌ ہے.

یہ پہلی مرتبہ ہوا ہے کہ کسی بالی ووڈ اسٹار کو اولمپکس گیمز کے لئے بھارتی سفیر کےطور پر نامزد کیا گیا ہے.

دبنگ خان کے نام کا اعلان اولمپک بھون کی تقریب کے دوران کیا گیا،تقریب میں سلمان خان کے ساتھ اولمپک میں گولڈ میڈل جیتنے والی باکسر میری کوم ، انڈین ہاکی ٹیم کے کپتان سردارسنگھ، ریتو رانی، منیکا بترا بھی موجود تھے۔

انڈین اولمپک ایسوی‌‌ ایشن‌‌ کے جنرل سیکرٹری راجیو مہتا کا کہنا تھا کہ ہم بہت خوش ہیں سلمان خان کو اولمپک کے لئے سفیر کے طور پر نامزد کر کے، بالی ووڈ اسٹار کا نام نامزد کرنے کا مقصد شہریوں کو اولمپک کی طرف متوجہ کرنا ہے.

انڈین ہاکی ٹیم کے کپتان سردار سنگھ کا کہنا تھا کہ میں بہت خوش ہوں کہ فلم سلطان کے اداکار ریو اولمپکس میں انڈیا کو سپورٹ کریں گے، ساتھ ہی ان کا کہنا تھا کہ اولمپک 2016 ہمارے لئے بہت اہم ہے اور اس کے لئے ہم نے بھرپور تیاری بھی کی ہے۔

میری کوم کا کہنا تھا کہ سلمان خان کے اولمپک سفیر نامزد ہونے سے لوگوں کا شوق اولمپکس دیکھنے میں بہت بڑھ جائے گا۔

اندین اولمپک ایسوی‌‌ ایشن‌‌ کے اس فیصلے کو ریسلر یوگیشور دت اور میکھا سنگھ کی جانب سے تنقید کا نشانہ بنایا گیا۔

دت نے ایک ٹویٹ میں لکھا کہ ہر کسی کو انڈیا میں فلموں کی پروموشن کا حق ہے لیکن اولمپکس وہ جگہ نہیں جہاں یہ سب کیا جائے۔

اس کے علاوہ میکھا سنگھ کا کہناتھا کہ انڈیا میں بہت سارے کھلاڑی ہیں جنہوں نے ملک کے لئے اپنا خون پسینہ دیا ان میں سے کسی کا نام کیوں سفیر کی حیثیت سے نامزد نہیں کیا گیا۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top