site
stats
انٹرٹینمںٹ

سلمان خان کا بھائی کے ہمراہ رکشے میں سفر

ممبئی: بالی ووڈ کے مشہور اداکار دبنگ خان نے ایک بار پھر لگژری گاڑی کو مسترد کر کے گھر جانے کے لیے رکشے میں سفر کیا۔

تفصیلات کے مطابق بھارتی سلطان سلمان خان کی ایک تصویر وائرل ہوئی ہے جس میں وہ آدھی رات کو رکشے میں اپنے بھائی کے ہمراہ بیٹھ سفر کررہے ہیں۔

بھارتی ذرائع ابلاغ کے مطابق سلمان خان اپنی فلم ٹیوب لائٹ کی پروموشن کے لیے ممبئی مین منعقدہ ایک تقریب میں پہنچے، تقریب کے اختتام پر سلمان نے گاڑی میں سفر کرنے سے انکار کیا اور بھائی کے ہمراہ رکشے میں گھر روانہ ہوئے۔

سلمان خان جیسے ہی رکشے میں بیٹھے وہاں موجود فوٹو گرافر نے اُن کی تصویر بنا لی اور اسے سوشل میڈیا پر شیئر کردیا، جس کے بعد تصویر سماجی رابطے کی ویب سائٹ پر بہت تیزی سے وائرل ہوئی۔ قبل ازیں بھی سلمان خان نے اپنے بھائی سہیل خان کے ہمراہ سالگرہ میں شرکت کرنے کے لیے رکشے میں سفر کیا ہے۔

بھارتی میڈیا کے مطابق رکشہ ڈرائیور نے جب اپنی گاڑی میں دبنگ خان کو بیٹھتے ہوئے دیکھا تو اُس کی خوشی کی کوئی انتہاء نہ رہی اور اُس نے اداکار کا شکریہ ادا کیا، سلمان خان نے گھر پہنچنے کے بعد ڈرائیور کو ایک ہزار روپے کرایہ ادا کرنے کی کوشش کی تو ڈرائیور نے صاف انکار کردیا تاہم بعد میں اُس نے پیسے رکھ لیے اور دبنگ خان کا شکریہ ادا کیا۔

یاد رہے دبنگ خان کا شمار اُن اداکاروں میں ہوتا ہے جو فلم میں کام کرنے کا خاصہ معاوضہ طلب کرتے ہیں۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top