جو پاکستان سے جنگ چاہتے ہیں انہیں بارڈر پر بھیج دیا جائے، سلمان خان -
The news is by your side.

Advertisement

جو پاکستان سے جنگ چاہتے ہیں انہیں بارڈر پر بھیج دیا جائے، سلمان خان

نئی دہلی: بالی ووڈ کے معروف اداکار سلمان خان نے کہا کہ جو لوگ پاکستان سے جنگ چاہتے ہیں انہیں سرحد پر بھیج دیا جائے، پاک بھارت تعلقات میں کشیدگی کے خاتمے کے لیے صرف بات چیت اور مذاکرات ہی واحد راستہ ہے۔

یہ بات انہوں نے نئی دہلی میں ایک ٹی وی شو میں ایک انٹرویو کے دوران کہی، اپنی نئی فلم ’’ٹیوب لائٹ‘‘ کی پرموشن کی تقریب میں صحافیوں نے جب سلمان خان سے پاک بھارت کشیدگی پر سوال کیا تو دبنگ خان نے کرارا جواب دیا۔

پاک بھارت کشیدگی کے حوالے سے دبنگ خان نے جنگ کو غلط قرار دیتے ہوئے کہنا تھا کہ جنگ کے شوقینوں کو بندوق دے کربارڈ پر بھیج دیں ان کے ہاتھ پیر کانپ جائیں گے اورجنگ ایک دن میں ہی ختم ہوجائے گی۔

انہوں نے کہا کہ دونوں ممالک کے درمیان جنگ ٹھیک نہیں ہے کیونکہ جب جنگ ہوتی ہے تو اس سے دونوں طرف کے لوگ مرتے ہیں سپاہی اپنی جان گنوا دیتے ہیں جبکہ مرنے والوں کے خاندان زندگی بھر کے لیے بے بس ہو جاتے ہیں۔

بھا رتی میڈیا کے مطابق سلمان خان کا یہ بیان سامنے آنے کے بعد ہندو انتہا پسند بھڑک اٹھے ہیں اور انہوں نے سلمان خان کو وارننگ دے دی۔

ہندو انتہا پسند رہنماؤں نے سلمان خان کو متنبہ کرتے ہوئے کہا کہ وہ اپنی حدود میں رہیں۔

Comments

comments

یہ بھی پڑھیں