ریاض: قطر کے دارالحکومت دوحا میں فیفا ورلڈ کپ 2022 کا فائنل آج ہونے جارہا ہے جسے دیکھنے جانے کے لیے سعودی عرب سے ہزاروں شائقین سلویٰ چیک پوسٹ پر پہنچ چکے ہیں۔
اردو نیوز کے مطابق قطر کے دارالحکومت دوحا میں فیفا ورلڈ کپ 2022 کا فائنل میچ دیکھنے کے لیے شائقین کی بڑی تعداد سلویٰ چیک پوسٹ پر پہنچ چکی ہے۔ سعودی عرب اور قطر کے درمیان اس سرحد پر ہزاروں افراد موجود ہیں۔
چیک پوسٹ انتظامیہ کا کہنا ہے کہ فائنل میچ کے لیے چیک پوسٹ عبور کرنے والوں کو تمام سہولتیں فراہم کی جارہی ہیں۔
انتظامیہ کے مطابق تمام خلیجی ریاستوں سے شائقین کی بڑی تعداد دیکھی جارہی ہے جس کی مثال سابقہ میچوں میں نہیں ملتی، شائقین کی تعداد میں اضافے کی بڑی وجہ قطر کی طرف سے ہیا کارڈ سے استثنیٰ کا اعلان بھی ہے۔
Comments
- Advertisement -
