The news is by your side.

Advertisement

نجی نیوز چینل کی وین پر حملے کا مقدمہ درج ، اسلحہ کی فرانزک رپورٹ بھی تیار

کراچی : سماء ٹی وی کی وین پر حملے کا مقدمہ درج کرلیا گیا ہے جبکہ حملے میں استعمال کیے گئے اسلحہ کی فرانزک رپورٹ بھی تیار کرلی گئی ہے۔

تفصیلات کے مطابق کراچی میں میڈیا دہشت گردوں کے نشانے پر ہے، سماء ٹی وی کی گاڑی پر حملہ کا مقدمہ درج کرلیا گیا ہے ، مقدمہ نا معلوم افراد کیخلاف انسداد دہشتگردی کی دفعات کے تحت درج کیا گیا ہے۔

حملے میں استعمال اسلحے کی فرانزک رپورٹ تیار کرلی گئی ہے ، رپورٹ کے مطابق حملہ آوروں نے نائن ایم ایم کے دو مختلف پستول استعمال کیے، جائے واردات سے ملنے والے خولوں کی جانچ مکمل کرلی گئی ہے ، دونوں ہتھیار اس سے پہلے کسی واردات میں استعمال نہیں ہوئے۔

آئی جی سندھ اے ڈی خواجہ نے وزیر اعلیٰ سندھ سید مراد علی شاہ کی ہدایت پر سماء ٹی وی کی گاڑی اور پولیس کی بکتربند پردہشت گردوں کے حملے کی تحقیقات کیلئے دو ٹیمیں تشکیل دے دیں۔

پہلی ٹیم کی قیادت ایس ایس پی سینٹرل مقدس حیدر کریں گے جبکہ دوسری ٹیم کے سربراہ ایس ایس پی انویسٹی گیشن سمیع اللہ سومرو ہوگے۔ ٹیمیں روزانہ کی بنیاد پر تفتیش میں پیشرفت سے آئی جی سندھ کو آگاہ کریں گی۔


مزید پڑھیں : نجی چینل کی ڈی ایس این جی پر فائرنگ، ایک شخص جاں بحق 1 زخمی


یاد رہے گذشتہ روز نارتھ ناظم آباد کے علاقے کے ڈی اے چورنگی کے قریب نجی ٹیلی ویژن کی گاڑی پر نامعلوم افراد کی فائرنگ کے نتیجے میں اسسٹنٹ کیمرہ مین تیمور جاں بحق جبکہ ڈرائیور زخمی ہوا تھا۔

Print Friendly, PDF & Email

Comments

comments

یہ بھی پڑھیں