site
stats
پاکستان

سمن آباد : نوبیاہتا دلہن کا قاتل اسی کا دولہا نکلا

لاہور : زبردستی کی شادی کا بھیانک انجام نکلا۔ دولہا نے شادی کے تیسرے ہی دن اپنی نئی نویلی دلہن کو قتل کردیا، سمن آباد میں دلہن کے قتل کے معاملے کا ڈراپ سین ہوگیا۔

تفصیلات کے مطابق نئی نویلی دلہن شادی کےتیسرے روز ہی جان سے گئی، دلہن کا قاتل کوئی اورنہیں خود اس کا دولہا ہی نکلا۔

لاہورکی نئی نویلی دلہن حرا تین روز پہلے ہی بابل کا گھرچھوڑ کرپیا کے گھر آئی تھی، لیکن سنگدل پیا ہی اس کی جان کا دشمن نکلا۔

حرا نے منگنی کے بعد چار سال تک عمر کو اپنے خوابوں کا شہزادہ بنائے رکھا اور اس کے ساتھ پوری زندگی بتانے اس کے گھر چلی آئی، لیکن عمر کے دل و دماغ پرکسی اور کا راج تھا۔

پولیس نے بتایا ہے کہ حرا کا قاتل اس کا شوہر ہی ہے، ملزم نے رات دو بجے بیوی کے منہ پرتکیہ رکھ کر بیس منٹ تک اس کی سانس بند کی، یوں تین دن کی دلہن نے چوتھی صبح نہ دیکھی۔

ملزم عمر نے بتایا کہ اسے حرا پسند نہ تھی اور اس کے خوابوں کی شہزادی کوئی اور تھی، گھروالوں نے اس کی شادی زبردستی حرا سے کروائی تھی۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top